لاہور ( این این آئی)پاکستان کرکٹ بورڈ نے پہلی بار ملک کے 16ریجنز کے 104اضلاع میں فٹنس ٹیسٹ کرا نے کا فیصلہ کیا ہے۔ ملک بھرمیں جاری فٹنس ٹیسٹ میں 2300سے زائد کھلاڑی شرکت کر رہے ہیں۔ یہ ٹیسٹ گراس روٹ لیول پر فٹنس کے کلچر کو شامل کرنے کے چیئرمین پی سی بی محسن نقوی کے وژن کے مطابق کرائے جا رہے ہیں۔ ریجنل انٹر ڈسٹرکٹ سینئر ٹورنامنٹ 2024-25کے لیے اسکواڈز کو جمع کرنے کے لیے اپریل اور مئی 2024میں ہونے والے چیلنج کپ کے بعد ہر ضلع کے 23کھلاڑیوں کو شارٹ لسٹ کیا گیا ہے۔ ہر ضلع میں یہ 23کھلاڑی متعلقہ ضلع اور علاقائی کوچز کی نگرانی میں سخت فٹنس اور اسٹرینتھ کے عمل سے گزر رہے ہیں۔ فٹنس ٹیسٹ پاس کرنے کے بعد کھلاڑیوں کو ان کے متعلقہ اضلاع میں 45روزہ کیمپ کے لیے بلایا جائے گا جس کے بعد ستمبر میں انٹر ڈسٹرکٹ سینئر ٹورنامنٹ ہوگا۔ ڈائریکٹر ڈومیسٹک کرکٹ آپریشنز عبداللہ خرم نیازی کا کہنا ہے کہ پی سی بی نے اس ڈومیسٹک سیزن میں ریجنل سطح کے بجائے ڈسٹرکٹ سطح پر فٹنس ٹیسٹ کرانے کا فیصلہ کیا ہے۔ یہ اقدام یقینی طور پر کھلاڑیوں کو شروع سے ہی اپنی فٹنس کو ترجیح دینے پر مجبور کرے گا اور اس کے بعد یہ کلچر دوسرے ڈومیسٹک مقابلوں تک پھیلے گا۔ ٹورنامنٹ میں مزید فٹ کھلاڑیوں کی شرکت سے کرکٹ کا معیار بھی بلند ہوگا۔
مقبول خبریں
نیوزی لینڈ کیخلاف پہلے ون ڈے میچ میں قومی ٹیم کے تین کھلاڑیوں کا...
نیپیئر(این این آئی) نیوزی لینڈ کے خلاف پہلے ون ڈے میچ میں قومی ٹیم کے تین کھلاڑیوں نے ڈیبیو کیا ۔عاکف جاوید ، عثمان...
پہلے ون ڈے میچ میں نیوزی لینڈ نے پاکستان کو 73 رنز سے شکست...
پہلے ون ڈے میچ میں نیوزی لینڈ نے پاکستان کو 73 رنز سے شکست دے دی نیپیئر (این این آئی)پہلے ون ڈے میچ میں...
سعودی ولی عہد شہزادہ محمد بن سلمان سے سوڈانی کونسل کے چیئرمین کی ملاقات
مکہ مکرمہ(این این آئی )سعودی عرب کے ولی عہد شہزادہ محمد بن سلمان بن عبدالعزیز آل سعود نے مکہ مکرمہ کے قصر الصفا میں...
علی امین نے آبادی کیلئے این ایف سی ایوارڈ میں حصہ نہ ملنے پر...
پشاور(این این آئی) وزیراعلی خیبرپختونخوا علی امین گنڈاپور نے آبادی کیلئے ملنے والا این ایف سی ایوارڈ میں حصہ نہ ملنے پر صدر پاکستان...
لگتا ہے علی امین گنڈاپور کے گرد گھیرا تنگ کیا جارہا ہے، شیر افضل...
اسلام آباد (این این آئی)پاکستان تحریک انصاف کے رکن قومی اسمبلی شیر افضل مروت نے کہا ہے کہ لگتا ہے علی امین گنڈاپور...