اسلام آباد(این این آئی)صدر مملکت آصف علی زرداری کا کہنا ہے کہ پاکستان کو اپنی آبادی میں اضافے پر قابو پانے میں چیلنجز کا سامنا ہے۔عالمی یوم آبادی کے موقع پر جاری کیے گئے اپنے پیغام میں آصف علی زرداری نے کہا کہ 2023ء کی مردم شماری کے مطابق پاکستان کی آبادی 2.55 فیصد کی بلند شرح سے بڑھ رہی ہے، ہماری آبادی 2030ء تک 263 ملین اور 2050ء تک 383ملین تک پہنچنے کا تخمینہ ہے۔انہوں نے کہا کہ ہماری آبادی کی اکثریت نوجوانوں پر مشتمل ہے، نوجوان متحرک قوت ہیں، وہ قوم کو خوشحالی کی طرف لے جانے کی بے پناہ صلاحیت رکھتے ہیں۔آصف علی زرداری کا کہنا ہے کہ نوجوانوں کی معیاری تعلیم، صحت اور روزگار کے مواقع تک رسائی بڑھانا ہوگی، وسائل اور آبادی کے حجم میں عدم توازن سے مواقع تک رسائی متاثر ہوتی ہے۔صدر مملکت نے مزید کہا کہ آزادی کے وقت پانی کی فراوانی تھی،اب بڑھتی آبادی کے باعث پانی کی کمی کاسامنا ہے، بڑھتی آبادی کی وجہ سے زرعی اراضی کو رہائشی علاقوں میں تبدیل کیا جا رہا ہے۔ان کا یہ بھی کہنا ہے کہ تیزی سے بڑھتی آبادی کے سماجی اور اقتصادی ترقی پر اثرات کو سمجھنا ہوگا، تمام اسٹیک ہولڈرز بڑھتی آبادی کے چیلنجوں سے نمٹنے میں تعاون کریں، خاندانی منصوبہ بندی کے لیے ڈیٹا کی دستیابی اہم ہے، ڈیٹا کی مدد سے باخبر فیصلہ سازی اور موثر پالیسی بنانا ممکن ہو گا۔
مقبول خبریں
صدرِ مملکت نے پریکٹس اینڈ پروسیجر آرڈیننس پر دستخط کر دئیے
اسلام آباد (این این آئی)صدرِ مملکت آصف علی زرداری نے پریکٹس اینڈ پروسیجر آرڈیننس پر دستخط کر دیے۔اس سے قبل وزیرِاعظم شہباز شریف...
محسن نقوی کا جنوبی و شمالی وزیرستان میں فتنہ الخوارج کے 12 دہشتگردوں کو...
اسلام آباد (این این آئی)وفاقی وزیرداخلہ محسن نقوی نے جنوبی و شمالی وزیرستان میں فتنہ الخوارج کے 12 دہشتگردوں کو جہنم واصل کرنے پر...
دنیا کے نایاب ترین ممالیہ انڈس ڈولفن کی تعداد میں اضافہ انتہائی خوش آئند...
اسلام آباد (این این آئی)چیئرپرسن سینیٹ قائمہ کمیٹی برائے ماحولیاتی تبدیلی سینیٹر شیری رحمان نے انڈس ڈولفن کی تعداد میں اضافے کے حوالے سے...
بلاول بھٹو زر داری کا شہید میر مرتضیٰ بھٹو کو ان کے یومِ شہادت...
اسلام آباد (این این آئی) پاکستان پیپلز پارٹی کے چیئرمین بلاول بھٹو زرداری نے شہید میر مرتضیٰ بھٹو کے یوم شہادت پر اپنے...
وزیراعظم شہباز شریف سے چین کے روئیی گروپ کی وفد کی ملاقات
اسلام آباد (این این آئی)وزیرِ اعظم محمد شہباز شریف نے کہا ہے کہ چین ہر مشکل وقت میں پاکستان کے ساتھ کھڑا رہا ہے...