اسلام آباد(این این آئی)اسلامی ترقیاتی بینک کے تعاون سے پاکستان میپنگ ریسورس سنٹر رپورٹ تیار کرلی گئی ،رپورٹ کی رونمائی کی تقریب ورچوئل کی گئی،تقریب میں اسلامی ترقیاتی بینک کے صدر بھی وڈیو لنک کے ذریعے شریک ہوئے،رپورٹ میں پاکستان کے 4 شعبہ جات، انکے متعلقہ اداروں اور انکی خدمات درج ہیں ، زراعت، زراعت سے منسلک صنعتیں، ادویات اور انفارمیشن کمیونیکیشن ٹیکنالوجی شامل ہیں ،صدر اسلامک ڈویلپمنٹ بینک نے پاکستان کے ہنر مندوں اور زراعت سے وابستہ افراد کی تعریف کی ۔ خسرو بختیار نے کہاکہ رپورٹ کی تیاری میں اسلامک بینک کے تعاون اور مدد کیلئے شکرگزار ہیں، رپورٹ سے دوسرے ممالک بھی فائدہ اٹھا سکتے ہیں۔ وفاقی وزیر نے کہاکہ پاکستان ٹیکسٹائل انڈسٹری، زراعت اور ڈیری صنعت میں وسیع تجربہ رکھتا ہے، حکومت احساس پروگرام کے ذریعے معاشرتی تخفط اور غربت کے خاتمے کیلئے اقدامات کر رہی ہے۔
