چینی سفیر کی رحمان ملک سے ملاقات ،سی پیک منصوبوں پر گفگو

0
3191

اسلام آباد (این این آئی)پاکستان میں چین کے نئے سفیر نونگ رونگ نے سینیٹر رحمان ملک کے گھر آمد و ملاقات کی جس میں نونگ رونگ کو پاکستان میں بطور سفیر مقرر ہونے پر مبارکباد و نیک خواہشات کا اظہار کیا۔ملاقات میں دونوں رہنماؤں کا دوطرفہ تعلقات سمیت سی پیک منصوبے پرتفصیلی تبادلہ خیال کیا،سینیٹر رحمن ملک نے کہاکہ چین اور پاکستان کے مابین دوستی کا رشتہ بہت مضبوط ہے جو مزید مستحکم ہوتا رہے گا،سی پیک منصوبے حطے و دونوں ملکوں کی معیشت پر مثبت تبدیلیاں لائے گی۔ انہوںنے کہاکہ سی پیک دونوں ممالک کے مابین عوامی رابطے اور ملٹی سیکٹر تعاون کو بڑھانے میں مثالی کردار ادا کررہا ہے، سی پیک کی اینٹی لابی اپنے مذموم عزائم میں کبھی کامیاب نہیں ہوں گے۔ رحمن ملک نے کہاکہ مشکل اوقات میں پاکستان کی مستقل مدد کرنے پر چین کے شکرگزار ہیں۔ چینی سفیر نے کہاکہ چین و پاکستان ہمیشہ کے دوست ہیں اور ہمیشہ دوست رہینگے۔ رحمن ملک نے کہاکہ چائینہ سفیر کا گھر آنے پر شکرگزار ہوں و دوستی پر فخر ہے۔ رحمن ملک نے کہاکہ پاک چائینہ تعلقات سفیر نونگ رونگ کی قیادت میں مزید فروغ پائینگے۔