اسلام آباد (این این آئی)چیئرمین نیب جسٹس (ر)جاوید اقبال سے گورنر سٹیٹ بینک ڈاکٹر رضا باقر نے ملاقات کی جس میں ملاقات میں باہمی دلچسپی کے امور پر تبادلہ خیال کیا گیا۔نیب اعلامیہ کے مطابق ڈاکٹر رضا باقر نے ملک سے بدعنوانی کے خاتمے کے نیب کی کاوشوں کو سراہا۔ چیئر مین نیب نے کہاکہ ملک سے بدعنوانی کا خاتمہ نیب کی اولین ترجیح ہے، نیب کا ایمان کرپشن فری پالیسی ہے۔ نیب اعلامیہ کے مطابق نیب کی کارکردگی کو معتبر قومی اور بین الاقوامی اداروں نے سراہا ۔
