طور خم (این این آئی)حکومت نے پاک افغان سرحدی گزرگاہ طورخم پر کورونا وائرس کا ٹیسٹ لازمی قرار دے دیا ہے۔ڈپٹی کمشنر (ڈی سی) محمود اسلم کے مطابق طورخم سرحدی گزرگاہ پر عالمی وبائی مرض کورونا وائرس کا ٹیسٹ لازمی قرار دیا گیا ہے۔ڈی سی کے مطابق طور خم سرحدی گزرگاہ پر نئے کورونا ضوابط (ایس او پیز) نافذ کیے کر دیئے گئے ،انہوں نے کہا کہ کورونا لیبارٹری ٹیسٹ کے بغیر سرحدی گزرگاہ پر آمد و رفت پر پابندی عائد کی گئی ہے۔محمود اسلم کے مطابق ٹیسٹ سے 12 سال سیکم عمر کے بچے مستثنیٰ ہوں گے، متعلقہ ادارے کورونا کے نئے ایس او پیز پر عمل درآمد یقینی بنائیں۔
