اسلام آباد(این این آئی) پاکستان مسلم لیگ (ن)کی ترجمان مریم اور نگزیب نے ایک بار پھر وزیر اعظم پر برس پڑیں اور کہاہے کہ عمران خان کی دھمکیاں اور رویہ وزیراعظم والا نہیں، ہم بھی اس لڑائی میں پورا تریں گے،حکومت مافیاز چلارہے ہیں، مہنگائی ختم نہیں ہوگی۔ پریس کانفرنس سے خطاب کرتے ہوئے انہوںنے کہاکہ عمران خان کی حکومت اڑھائی سال میں بدترین سیاسی انتقام کرتی رہی ہے، ملک کے سرکاری اداروں میں اڑھائی سالوں میں کرپشن ختم نہیں ہوئی، ملک کی تاریخی کی سب سے بڑی کرپشن اس حکومت کے دور میں ہے، سیاسی مخالفین سے انتقام لینے کیلئے جو کرپشن کا بیانیہ دیا گیا، چینی سمیت ہر مد میں کرپشن ہوئی، حکومت مافیاز چلارہے ہیں، مہنگائی ختم نہیں ہوگی، مہنگائی تاریخی دھبہ پر ہے، ملک کی ترقی منفی میں چلی گئی، روپیہ کی قدر کم ہونے کے باوجود مہنگائی کم نہیں ہوئی۔ انہوںنے کہاکہ برآمدات میں اضافہ نہیں ہوا، گزشتہ اڑھائی سال میں چودہ سو ارب کا قرض کیا گیا، پاکستان کے عوام کی جیبوں پر ڈاکہ عمران کے فیصلوں سے ڈالا گیا۔ انہوںنے کہاکہ ملک میں ایک کروڑ ملازمتوں کی بجائے الٹا لوگ بے روزگار ہوئے، ملک میں اڑھائی سال میں مفت علاج اور ادویات بند ہوگئیں،تعلیم کا بجٹ آدھا کردیا گیا،کیا سسٹم میں ایک میگاواٹ بھلی بھی شامل کی گئی۔ انہوںنے کہاکہ ایک سو بائیس ارب کا ڈاکہ ایل این جی تاخیر سے منگوانے پر ڈالا گیا، صنعتوں اور گھروں کی گیس اور کی بجلی بہت مہنگی کردی گئی۔ انہوںنے کہاکہ مالوزیشن لیڈرز جیل میں ڈالے گئے
