اسلام آباد (این این آئی)صدر مملکت ڈاکٹر عارف علوی نے تعلیم اور صحت کی سہولیات کی فراہمی پر زور دیتے ہوئے کہا ہے کہ مسلمان ممالک جدید سائنسی علوم کی تعلیم پر توجہ دیکر دنیا میں اپنا کھویا ہوا مقام حاصل کرسکتے ہیں۔ وہ پیر کو گلوبل الفارابی فورم کے افتتاحی اجلاس سے خطاب کررہے تھے۔ صدر مملکت نے کہاکہ مستقبل مسلمانوں کا دکھائی دیتا ہے تاہم انہیں سخت محنت اور لوگوں کو تعلیم و صحت کی فراہمی کی ضرورت ہے۔ انہوں نے کہا کہ ہمیں الفارابی کے اصولوں پر آگے بڑھنا چاہیے جو کہ موجودہ حالات کے تناظر میں قابل عمل ہیں۔ صدر مملکت نے کہا کہ دنیا اخلاقیات کی جانب نہیں دیکھ رہی تاہم مسلمان اخلاقیات کا خیال رکھتے ہیں اور وہ اخلاقیات اور علم کی بنیاد پر تبدیلی لا سکتے ہیں۔ انہوں نے افسوس کا اظہار کیا کہ کشمیر، فلسطین اور روہنگیا مسلمانوں کی حالت زار ابتر ہے، مسلمانوں کو سائنس اور ٹیکنالوجی کی تیزی سے ترقی کے ساتھ آگے بڑھنا چاہیے۔ انہوںنے کہاکہ مصنوعی ذہانت کے باعث علم میں تیزی سے اضافہ ہوا ہے۔ انہوں نے اسلامی تعاون تنظیم کی قائمہ کمیٹی برائے سائنس وٹیکنالوجی تعاون پر زور دیاکہ وہ امت مسلمہ کے نوجوانوں کو عصری علوم کی فراہمی میں اپنا کردار ادا کرے۔ مسلمان فلسفیوں کی تعریف کرتے ہوئے صدر مملکت نے کہا کہ مسلمانوں کے دور کے باعث یونانی فلسفہ کو جدید دنیا میں لانے میں مدد ملی۔ الفارابی نے ریاضی، طبعیات اور موسیقی سمیت دیگر شعبوں میں اہم کردار ادا کیا۔ انہوں نے کہا کہ الفارابی کی کتاب المدینة الفضیلہ میں ریاست مدینہ کی خوبیوں کو اجاگر کیا گیا ہے۔ وزیرا عظم عمران خان پاکستان کو ریاست مدینہ اصولوں پر قائم کرنے کے لئے کوشاں ہیں۔ ریاست مدینہ میں تمام لوگوں کو مساوی حقوق حاصل ہیں۔ انہوں نے کہا کہ صحت اور تعلیم کی سہولیات کی فراہمی سے لوگ تعلیم یافتہ اور صحت مند ہوں گے تو اس سے غربت ختم کرنے میں مدد ملے گی۔ اس موقع پر اظہار خیال کرتے ہوئے اسلامی تعاون تنظیم کے سائنس اینڈ ٹیکنالوجی کے امور کے اسسٹنٹ سیکرٹری جنرل عسکر مسی نوف نے کہا کہ اسلام میں تعلیم و سائنس کو نمایا ں اہمیت دی گئی ہے کیونکہ اس کاآغاز ہی اقرا سے ہوتا ہے۔ انہوں نے کہا کہ جدید سائنس میں مسلمان سکالرز کا اہم کردار ہے اور وہ سائنس کے کئی شعبوں میں بانی کی حیثیت رکھتیہیں۔ اسلامی تعاون تنظیم کی توجہ رکن ممالک کی یونیورسٹیوں کو سنٹرآف ایکسی لینس میں تبدیل کرنے کے لئے معیاری نصاب میں بہتری پر مرکوز ہے
مقبول خبریں
پاک چائنا تعلقات دنیا میں بے مثال،چین نے ہمیشہ پاکستان کا غیر مشروط ساتھ...
اسلام آباد (این این آئی)وفاقی وزیر برائے منصوبہ بندی، ترقی و خصوصی اقدامات پروفیسر احسن اقبال نے کہا ہے کہ پاکستان اور چین کے...
محسن نقوی سے امریکی ادارہ برائے نارکوٹکس کے وفد کی ملاقات، باہمی دلچسپی کے...
اسلام آباد (این این آئی)وفاقی وزیر داخلہ وانسدا منشیات محسن نقوی سے امریکہ کی بیورو آف انٹرنیشنل نارکوٹکس اینڈ لا ء انفورسمنٹ افیرز( آئی...
ملکی سیاحت کی ترقی سے پاکستان کا عالمی سطح پر مثبت تشخص اجاگر ہوگا،سپیکر...
اسلام آبا د(این این آئی)اسپیکر قومی اسمبلی سردار ایاز صادق نے کہا ہے کہ سیاحت کا فروغ ملکی سماجی اور اقتصادی ترقی کے...
غیر ملکی سرمایہ کاروں کی سہولت کے لئے کلی معیشت کے استحکام کے ماحول...
اسلام آباد (این این آئی)وزیر اعظم محمد شہباز شریف نے ممتاز پاکستانی امریکن بینکرز کوملک میں انفراسٹرکچر، توانائی، ٹیکنالوجی، زراعت کے شعبوں میں...
وزیر اعلیٰ مریم نواز شریف کا مخدوش ،خستہ حال عمارتوں میں بنے سکول سیل...
لاہور( این این آئی) وزیر اعلیٰ پنجاب مریم نواز شریف نے مخدوش اور خستہ حال عمارتوں میں بنے سکول سیل کرنے کا حکم دیتے...