اسلام آبا(این این آئی)ترجمان پٹرولیم ڈویژن نے کہاہے کہ ملک میں کہیں بھی گھریلو، انڈسٹریل اور کمرشل صارفین کیلئے گیس لوڈ شیڈنگ نہیں کی جا رہی۔ ترجمان کے مطابق 18 دسمبر کیلئے شیڈول ایل این جی کارگو پہنچ رہا ہے ،زیر علاقوں میں گیس پریشر کی کمی کی شکایات موصول ہو رہی ہیں جنہیں مستعدی سے حل کیا جا رہا ہے۔ ترجمان نے کہاکہ دونوں گیس کمپنیاں گیس سپلائی پوزیشن کو نارمل رکھنے میں سرگرم عمل ہیں، گیس کمپریسر کا استعمال غیر قانونی ہے، گیس کمپریسر کے استعمال میں ملوث افراد سے آہنی ہاتھوں نمٹا جائے گاانہوںنے کہاکہ عوام سے اپیل ہے کہ گیس کا استعمال سمجھداری سے کریں۔
