اسلام آباد (این این آئی) الیکشن کمیشن نے سندھ کی دو اور بلوچستان کی ایک صوبائی اسمبلی کی نشست پر ضمنی انتخابات کے شیڈول کا اعلان کردیا۔پیر کو جاری اعلامیہ کے مطابق انتخاباتت سولہ فروری کو ہونگے ، پی ایس 47 سانگھڑ تین، پی ایس اٹھاسی ملیر دو اور پی بی پشین تین پر انتخابات ہونگے،کاغذات نامزدگی 23 سے 28 دسمبر تک جمع کرائے جاسکیں گے،29 دسمبر کو کاغذات نامزدگی جمع کرانے والے امیدواروں کی فہرست جاری کی جائے گی، چار جنوری کو کاغذات نامزدگی کی جاچ پڑتال کی جائے گی ،آر او کے فیصلوں کے خلاف اپیل داخل کرانے کی آخری تاریخ آٹھ جنوری مقرر کی گئی ،چودہ جنوری کو اپیلوں پر فیصلہ سنایا جائے گا،امیدواروں کی نظرثانی شدہ فہرست پندرہ جنوری کو شائع کی جائے گی ،سولہ جنوری کو دستبردار ہونے والے امیدواروں کی فہرست جاری کی جائے گی ،سترہ جنوری کو امیدواروں کو انتخابی نشانات الاٹ کئے جائیں گے۔
