وزیر اعلیٰ عثمان بزدار کورونا کا شکار ،خود کو قرنطینہ کر لیا

0
416

لاہور( این این آئی)وزیر اعلیٰ پنجاب سردار عثمان بزدار کورونا کا شکار ہو گئے جس کے بعد انہوں نے خود کو قرنطینہ کر لیا ہے ۔ تفصیلات کے مطابق طبیعت ناساز ہونے اور کورونا وائرس کی علامات پر محکمہ صحت کی ٹیم نے گزشتہ روز وزیر اعلیٰ عثمان بزدار کا ٹیسٹ لیا جس کی رپورٹ موصول ہونے پر وزیر اعلیٰ عثمان بزدار میں کورونا کی تشخیص ہوئی ہے ۔ بتایاگیا ہے کہ وزیر اعلیٰ پنجاب نے کورونا مثبت آنے پر خود کو قرنطینہ کر لیا ہے ۔ ذرائع کے مطابق وزیر اعلیٰ پنجاب ویڈیو لنک کے ذریعے سرکاری امور سر انجام دیں گے ۔مزید بتایاگیا ہے کہ وزیر اعلیٰ سے قریبی رابطے میں رہنے والے ان کے سٹاف کے بھی ٹیسٹ کئے جارہے ہیں۔ گورنر پنجاب چوہدری محمد سرور ، کابینہ کے اراکین ، معاون خصوصی ڈاکٹر فردوس عاشق اعوان اور ترجمان پنجاب حکومت مسرت جمشیدچیمہ نے وزیر اعلیٰ سردار عثمان بزدار کی جلد صحتیابی کی دعا کی ہے ۔