اسلام آباد (این این آئی) پاکستان مسلم لیگ (ن) کے مرکزی رہنما محسن شاہنواز رانجھا نے وزیر اطلاعات شبلی فراز کے بیان پر رد عمل کا اظہار کرتے ہوئے کہاہے کہ سپیکر کے کہنے پر شاہ محمود قریشی کی صدارت میں کمیٹی بنی، حکومتی صفوں میں کرپشن کے سنگین معاملات ہیں، حکومت نے وزراء کو این آر او دیا ، ہمیں این آر او نہیں چاہیے اور نہ ہی ہم حکومت کو این آر او دینگے ،وزراء شرم کریں فیٹف گرے لسٹ پر سیاست مت کریں،پارلیمنٹ معاملات کون چلادھا ہے حکومت جواب دے۔ مسلم لیگی رہنما محسن شاہنواز رانجھا نے مریم اورنگزیب کے ہمراہ پریس کانفرنس سے خطاب کرتے ہوئے کہاکہ وزیر اطلاعات شبلی فراز نے گری ہوئی حرکت کرتے ہوئے پارلیمانی روایات کی خلاف ورزی کی، ہماری لئے لازم ہوگیا کہ حقائق سامنے لائیں۔انہوں نے کہاکہ سپیکر کے کہنے پر شاہ محمود قریشی کی صدارت میں کمیٹی بنی، حکومتی صفوں میں کرپشن کے سنگین معاملات ہیں، یہ خود این آر او چاہتے ہیں،ایک آرڈیننس 28 دسمبر دوہزار انیس کو جاری ہوا، یہ آرڈیننس حکومتی این آر او کا ثبوت ہے، حکومت نے کرپٹ وزرا کو این آر او دیا، شہزاد اکبر نے یہ کاغذ مجھے دیا اور کہا نیب کا مجوزہ مسودہ ہے۔ انہوں نے کہاکہ بی آر ٹی کے منصوبے کو این آر او دینے کیلئے یہ آرڈیننس مسودہ لایا گیا، انہوں نے سپریم کورٹ سے حکم امتناعی لیا ہوا ہے، گزشتہ لا ء کمیٹی اجلاس میں فروغ نسیم آئے تھے۔ انہوں نے کہاکہ بی آر ٹی منصوبے کو جس میں کھربوں کے معاملات ہیں اور لاگت بڑھائی گئی ان کو این آر او دیا گیا۔ انہوں نے کہاکہ احسن اقبال کو تو سٹیڈیم بنانے پر کیس بنایا جاتا ہے، ہم نے مجوزہ بل کی حمایت سے انکار کردیا، ہم حکومت کو این آر او دیتے ہیں اور نہ مانگتے ہیں۔ انہوں نے کہاکہ کے پی احتساب بیورو کے چیئرمین کو ہٹایا گیا تھا تاکہ کرپشن کو کلین چٹ دی جاسکے، بی آر ٹی، مالم جبہ، گینائٹ مائنز کی غیر قانونی الاٹمنٹ، بلین ٹری سب میں حکومت کو این آر او چاہیے ۔ انہوں نے کہاکہ سپریم کورٹ نے کہا نیب سیاسی انجینئرنگ کیلئے استعمال ہورہی ہے۔ انہوں نے کہاکہ اپوزیشن سے بدلہ لینے کیلئے ملک کے عوام کو مشکل میں ڈالا جارہا ہے، اسلم مسعود، ظفر اقبال سمیت بہت سوں کی وفات نیب کسٹڈی میں ہوئی، نیب کو صرف انتقامی کاروائی کے لئے استعمال کیا جارہا ہے، ہم نیب کا سامنے کر رہے ہیں اور تیار ہیں۔ انہوں نے کہاکہ نیب ٹارچرز اور مس ہینڈلنگ کی وجہ سے لوگوں کی وفات ہوئی۔ انہوں نے کہاکہ فیٹف بل میں رائٹ ٹو پرائیویسی کے نکتہ میں مخالفت کی تھی، فیٹف قوانین میں تین سو کے قریب ترامیم تو اپوزیشن نے کرکے دی تھیں، شرم کریں فیٹف گرے لسٹ پر سیاست مت کریں۔ انہوں ںے کہاکہ نیب بھی فیٹف کا حصہ ،اس کے قانون میں بھی ترمیم کرنا ہوگی۔ انہوں نے کہاکہ ہماری وجہ سے ملک کی بیورو کریسی کیوں مصائب جھیلے۔ مریم اور نگزیب نے کہاکہ صبح عمران صاحب نے ایک ٹویٹ کیا اور گھسا پٹا بیانیہ دیا، ملک کی معیشت عوام کی حالت کا نام ہے جو بدحالی کا شکار ہے، ملک کا وزیراعظم کہے کیا کرسکتا ہوں تو مستعفی ہوجائے۔
مقبول خبریں
پاک چائنا تعلقات دنیا میں بے مثال،چین نے ہمیشہ پاکستان کا غیر مشروط ساتھ...
اسلام آباد (این این آئی)وفاقی وزیر برائے منصوبہ بندی، ترقی و خصوصی اقدامات پروفیسر احسن اقبال نے کہا ہے کہ پاکستان اور چین کے...
محسن نقوی سے امریکی ادارہ برائے نارکوٹکس کے وفد کی ملاقات، باہمی دلچسپی کے...
اسلام آباد (این این آئی)وفاقی وزیر داخلہ وانسدا منشیات محسن نقوی سے امریکہ کی بیورو آف انٹرنیشنل نارکوٹکس اینڈ لا ء انفورسمنٹ افیرز( آئی...
ملکی سیاحت کی ترقی سے پاکستان کا عالمی سطح پر مثبت تشخص اجاگر ہوگا،سپیکر...
اسلام آبا د(این این آئی)اسپیکر قومی اسمبلی سردار ایاز صادق نے کہا ہے کہ سیاحت کا فروغ ملکی سماجی اور اقتصادی ترقی کے...
غیر ملکی سرمایہ کاروں کی سہولت کے لئے کلی معیشت کے استحکام کے ماحول...
اسلام آباد (این این آئی)وزیر اعظم محمد شہباز شریف نے ممتاز پاکستانی امریکن بینکرز کوملک میں انفراسٹرکچر، توانائی، ٹیکنالوجی، زراعت کے شعبوں میں...
وزیر اعلیٰ مریم نواز شریف کا مخدوش ،خستہ حال عمارتوں میں بنے سکول سیل...
لاہور( این این آئی) وزیر اعلیٰ پنجاب مریم نواز شریف نے مخدوش اور خستہ حال عمارتوں میں بنے سکول سیل کرنے کا حکم دیتے...