لاہور(این این آئی)پاکستان شوبزانڈسٹری کی خوبرواداکارہ لائبہ خان نے کہا ہے کہ آنے والا نیا سال پاکستانی قوم کے لئے امن و آشتی، خوشحالی، بھائی چارہ، حب الوطنی و یک جہتی کا برس ثابت ہو گا۔انہوں نے کہا کہ میری دعا ہے کہ2021 ملک و عوام کے ساتھ ساتھ انٹر ٹینمنٹ انڈسٹری کے لوگوں کے لئے خوشگوار تبدیلیوں کا سال بن جائے۔ نیا سال فلم انڈسٹری کے استحکام کا برس ہوگا۔ فنکاروں اور عام لوگوں کو روزگار کے زیادہ سے زیادہ مواقع ملیں گے،لائبہ خان نے کہا کہ اللہ کرے نئے سال میں ملک میں امن و امان کے ساتھ خوشحالی، بھائی چار ے کی فضا، یک جہتی و یگانگت کو فروغ ملے۔ 2021 میرے لئے سماجی خدمات کا سال ثابت ہوگا، شوبز کے علاوہ سماجی سرگرمیوں کو فروغ دینے میں اپنا کردار اداکروں گی،انہوں نے کہا 2021 فلم انڈ سٹری کے بحران کے خاتمے کا سال ثابت ہو گا۔
