لاہور(این این آئی)نئی ابھرتی ہوئی ماڈل واداکارہ نور نے کہا ہے کہ ماڈلنگ کی دنیا میں شناخت بنانا بہت مشکل کام ہے جو لوگ ماڈلنگ کو آسان سمجھتے ہیں وہ غلط فہمی میں مبتلا ہیں۔انہوں نے کہا کہ ماڈلنگ اور کمرشل میں کام کرنا آسان نہیں،اس کے لئے بہت زیادہ محنت درکارہوتی ہے،نورنے کہا کہ شہرت راتوں رات نہیں مل جاتی ،شہرت اورکامیابی کے لئے ڈھیروں دعائوں کے ساتھ ساتھ کام میں مہارت اورپختگی بھی درکارہوتی ہے،ان خیالات کا اظہارنئی ابھرتی ہوئی اداکارہ وماڈل نورنے ڈاکٹرجاویدحاکم سے گفتگوکرتے ہوئے کیا،نورنے کہا کہ پاکستان سے زیادہ خوبصورتی کسی اور ملک میں نہیں اور خاص طور پر ہمارے شمالی علاقہ جات کا قدرتی حسن دنیا میں کہیں اور نہیں ملتا۔
