کراچی(این این آئی)پاک سرزمین پارٹی کے چیئرمین اور سابق سٹی ناظم سیدمصطفی کمال نے کہا ہے کہ عمران خان کی وفاقی حکومت فیل ہوگئی ہے،کراچی میں لاوا پک رہا ہے، لوگ ناراض ہیں، بہت پریشر ہے کہ اپنے حقوق چھینیں جائیں، مردم شماری میںکراچی کی آبادی کو 3 کروڑ کم دکھایاگیا ، ایم کیوایم پاکستان نے صرف اختلافی نوٹ دیا اور وفاقی کابینہ نے مردم شماری منظور کرلی، متحدہ کے وزراء حکومت چھوڑنے کا اعلان کریں۔بدھ کو مقامی احتساب عدالت میں پیشی کے بعدمیڈیا سے گفتگو کرتے ہوئے مصطفی کمال نے کہاکہ ایم کیو ایم ایجنٹ ہے، سوداگر ہے، یہ مہاجر نام پر جھوٹی سیاست کرتے ہیں۔انہوں نے کہاکہ پاک سرزمین پارٹی شہر کو لاوارث نہیں چھوڑے گی، جلد کسی لائحہ عمل کا اعلان کریں گے۔ مصطفی کمال نے کہا کہ مردم شماری میں ووٹر لسٹ میں لوگ زیادہ ہیں آبادی میں نہیں، ایم کیو ایم نے عوام کو بے وقوف بنانے کے لئے اختلافی نوٹ لکھ دیا، جب تک شہر کا چوکیدار تبدیل نہیں کیا جائے گا یہ شہر محفوظ نہیں رہ سکتا۔انہوں نے کہاکہ وفاقی کابینہ نے کراچی کی مردم شماری کو تسلیم کیا ہے، کراچی کے 70 لاکھ لوگ کم گنے گئے ہیں، چیف جسٹس پاکستان نے بھی ریمارکس دیئے کہ کراچی کی آبادی ساڑھے 3 کروڑ ہے، ووٹر لسٹ میں لوگ زیادہ ہیں آبادی میں نہیں۔چیئرمین پاک سرزمین پارٹی نے کہاکہ پاکستان اتنا مایوس کبھی نہیں رہا، پاکستانیوں کو نا حکومت سے امید ہے نا اپوزیشن سے، پی آئی اے ہیڈکوارٹر کو اسلام آباد منتقل کیا جارہا ہے۔مصطفی کمال نے کہا کہ نواز شریف اور مولانا فضل الرحمن کے خلاف نیب ریفرنسز بھیجے گئے،سابق میئر وسیم اختر کے خلاف کوئی ریفرنس نہیں آیا، یہ اربوں کی کرپشن کرکے آزاد گھوم رہا ہے۔چارسال میں شہر کو لوٹ لیاگیا اس پر کیس نہیں بن رہا کیونکہ وہ حکومت کا حصہ ہیں، جب تک یہ نمائندے رہیں گے تمہارے بچوں کوفلاح نہیں مل سکتی۔انہوں نے کہاکہ آپ ہمیں پینے کا پانی نہیں دے رہے، سیوریج کا نظام نہیں دے رہے، آپ ہمیں ٹرانسپورٹ نہیں دے رہے، نوکری نہیں دے رہے جبکہ سب سے مہنگی بجلی اور سب سے مہنگی گیس دے رہے ہیں۔مصطفی کمال نے کہا کہ جو اس شہر کیخلاف سازش کررہا ہے وہ ملک کے خلاف سازش کررہا ہے، سب ملک کا خون چوس رہے ہیں، سب لٹیرے ہیں۔
مقبول خبریں
کینیا،ہیلی کاپٹرحادثے میں آرمی چیف سمیت 10افراد ہلاک
نیروبی (این این آئی)کینیا میں ہیلی کاپٹرحادثے کے نتیجے میں آرمی چیف سمیت 10افراد ہلاک ہوگئے۔غیرملکی خبررساں کے مطابق اس حادثے میں آرمی چیف...
سوڈان، ہیضے اور ڈینگی بخار سے 391 افراد ہلاک
خرطوم(این این آئی)سوڈان نے کہا ہے کہ ملک میں ہیضے اور ڈینگی بخار سے 391 افراد ہلاک ہوگئے ۔چینی خبررساں ادارے کے مطابق سوڈان...
اسرائیلی حملے پر مزید فیصلہ کن اور مناسب جواب دیا جائے گا، ایران
تہران(این این آئی)ایران نے خبردار کیا ہے کہ اسرائیل نے ایرانی مفادات کے خلاف مزید فوجی کارروائی کی تو فیصلہ کن اور مناسب جواب...
فلسطینی صدر نے امریکی ویٹو کی مذمت کردی
مقبوضہ بیت المقدس(این این آئی)فلسطینی صدر محمود عباس نے امریکا کی جانب سے فلسطین کی اقوام متحدہ کی رکنیت سے متعلق درخواست ویٹو...
بھارت میں عام انتخابات کا آغازہوگیا
نئی دہلی(این این آئی)بھارت میں عام انتخابات کا آغاز ہوگیا، یہ انتخابات 7 مراحل میں یکم جون تک ہوں گے، نتائج کا اعلان چار...