ماؤنٹ منگنوئی( این این آئی)پاکستان کرکٹ ٹیم کے ٹیسٹ اسکواڈ نے پریکٹس شروع کردی ہے۔ماؤنٹ منگنوئی میں26 دسمبر سے پاکستان اور نیوزی لینڈ کی ٹیموں کے درمیان دو ٹیسٹ میچز کی سیریز کا پہلا ٹیسٹ میچ کھیلا جائیگا جب کہ سیریز کا دوسرا ٹیسٹ 3 جنوری سے کرائسٹ چرچ میں ہو گا۔ پاکستان ٹیسٹ ٹیم کے کھلاڑی گزشتہ روز نیپئر سے تارنگا پہنچے، پہلے ٹیسٹ میچ سے قبل پاکستان کرکٹ ٹیم کو دو ٹریننگ سیشن ملے ہیں جن سے پاکستان ٹیم مینجمنٹ بھرپور فائدہ اٹھانے کی کوشش کر رہی ہے۔ٹریننگ سیشن سے قبل ہیڈ کوچ مصباح الحق اور کپتان محمد رضوان نے کھلاڑیوں کو لیکچر دیا۔دوسری جانب شاداب خان بائیں ٹانگ میں تکلیف کے باعث پہلے ٹیسٹ سے باہر ہو چکے ہیں۔
