لاہور( این این آئی)ٹی وی کی سپر سٹار اداکارہ سجل علی نے کہا ہے کہ میرا شماران چند خوش نصیبوںمیں ہوتا ہے جن کے کرئیر کے آغازمیںہی کامیابی لکھی ہوتی ہے ، مجھے بیس سال کی عمرمیں جو شہرت عزت اورمقام ملاہے اس کیلئے لوگوں کو برسوںبیت جاتے ہیں ۔ایک انٹر ویو میں گفتگو کرتے ہوئے سجل علی نے کہا کہ یہ خدا کی ذات کامجھ نا چیز پر کرم ہے کہ جس شہرت کی فنکار برسوں تمنا کرتے ہیں وہ مجھے شوبز کی دنیا میں ابتدائی دنوں میں مل گئی۔ یہ صرف اورصرف نیک نیتی اور محنت اورلگن سے کام کرنے کی وجہ سے ہے ۔میں نے اپنی کامیابیوں پر کبھی تکبرنہیں کیا بلکہ مجھ میں مزید عاجزی آئی ہے ۔ انہوں نے کہا کہ خدا کی ذات کے کرم سے آج میں مصروف ترین اداکارہ ہوں اور میں نے بالی ووڈ میں بھی جا کر ثابت کیا ہے کہ پاکستان کے فنکار کسی بھی ملک کے فنکاروں سے کم صلاحیت کے حامل نہیں۔
