ویلنگٹن (این این آئی)ٹی ٹوئنٹی میچ میں ویلنگٹن فائربرڈز نے پاکستان شاہینز کو 9 وکٹوں سے ہرادیا ۔ویلنگٹن فائربرڈز نے 92 رنز کا ہدف 9.5 اوورز میں ایک وکٹ کے نقصان پر حاصل کرلیا ۔ڈیون کانوائے 48 اور راچن روندرا 35 رنز بنا کر ناٹ آئوٹ رہے ۔پاکستان شاہینز کی جانب سے واحد وکٹ محمد حسنین نے حاصل کی۔پاکستان شاہینز کی پوری ٹیم 17.4 اوورز میں 91 رنز بنا کر آئوٹ ہوگئی تھی ۔دانش عزیز نے 28 رنز بنائے تھے، عثمان قادر 23 رنز پر ناٹ آئوٹ رہے تھے ،جیمی گبسن نے تین وکٹیں حاصل کی تھیں ۔دونوں ٹیموں کے مابین ٹی ٹونٹی میچ ویلنگٹن میں کھیلا گیا۔پاکستان شاہینز کی ٹیم اپنا تیسرا ٹی ٹونٹی میچ یکم جنوری کو کنٹر بری کے خلاف کھیلے گی۔
