ہملٹن(این این آئی)پاکستانی کرکٹ ٹیم کے بلے باز اظہر علی نے کہاہے کہ میچ کے پانچویں دن اسپنر کو مدد مل سکتی ہے۔میچ کے بعد گفتگو کرتے ہوئے اظہر علی نے کہاکہ ہمارا پلان یہی ہے کہ جو بیٹسمین سیٹ ہوجائے وہ اس پچ پر زیادہ وقت گزاریں۔انہوں نے کہا کہ کوشش کروں گا کہ فواد عالم کے ساتھ ایک لمبی پارٹنرشپ قائم کرسکوں۔انہوں نے کہاکہ فواد عالم جب میدان میں آئے تو انہیں اعتماد دینے کی کوشش کی،پچ پر پرانا گیند تھوڑا رک کر آرہا ہے، پانچویں دن اس پچ پر اسپنر کو مدد مل سکتی ہے۔ اظہر علی کاکہنا تھا کہ کل کا پہلا سیشن بہت اہم ہوگا۔انہوں نے کہاکہ نیوزی لینڈ کے بالر نیل ویگنر نے ہم سب کے لیے ایک مثال قائم کی ہے، انجری کے باوجود کھیلنے پر ہم نیل ویگنر کی بہت عزت کرتے ہیں۔انہوں نے کہاکہ وہ فریکچر کے باوجود میچ کھیل رہے ہیں، جو قابل ستائش ہے۔انہوں نے کہا کہ اپنے ملک کی نمائندگی سے بڑھ کر کچھ نہیں، نیل ویگنر نے یہ ثابت کردیا۔
