لاہور( این این آئی ) وفاقی وزیر سائنس وٹیکنالوجی چودھری فوادحسین نے کہاہے کہ وزیراعظم عمران خان کی متحرک قیادت میں ملک ترقی وخوشحالی کی شاہراہ پرگامزن ہے جو چور لٹیروں کوایک آنکھ نہیں بھاتا ۔ایک انٹر ویو میں انہوں نے کہاکہ وزیراعظم عمران خان عوام کے لئے امید کی واحدکرن ہیں جوملک کو درپیش تمام مسائل سے نمٹنے کی صلاحیت رکھتے ہیں۔انہوں نے کہاکہ مسلم لیگ (ن)نے اپنی پریس کانفرنسوں میں عوامی دلچسپی کے کسی مسائل کا ذکرنہیں کیا بلکہ وہ اپنی قیادت کواحتساب کے عمل سے بچانے کے لئے شورمچارہی ہے۔
