اسلام آباد (این این آئی)کورونا وباء کی تباہ کاریاں، متحدہ عرب امارات میں کور کمیٹی پاکستان سینٹر متحرک ہو گئی۔ ذرائع کے مطابق کورونا وباء کے باعث متحدہ عرب امارات میں بڑی تعداد میں پاکستانی بے روزگار ہو گئے،کورونا اور ابتر معاشی حالات کے باعٹ اکثر پاکستانی کسمپرسی میں حالات گزارنے پر مجبور ہیں۔ ذرائع کے مطابق ان حالات میں پاکستانیوں کی مدد کے لیے راس الخیمہ میں پاکستان سینٹر کی کور کمیٹی متحرک ہو گئی،راس الخیمہ میں پاکستان سینٹر کور کمیٹی نے 700 سے زائد بیروزگار پاکستانیوں میں راشن اور ضروری اشیاء تقسیم کیں،راشن و ضروری اشیاء حاصل کرنے والوں میں خواتین کی قابل زکر تعداد شامل ہے،راشن کی تقسیم کے دوران چیئرمین کور کمیٹی پاکستان سینٹر راس الخیمہ انجینئر محمد جاوید بھی موجود تھے۔ ذرائع کے مطابق کوویڈ 19 کی پہلی لہر کے دوران بھی پاکستان سینٹر کی کور کمیٹی نے 1300 افراد میں 12 ٹن راشن تقسیم کیا تھا۔
