واشنگٹن (این این آئی)امریکا میں حالیہ انتخابات میں لوئزیانا سے منتخب ریپبلکن رکن کانگرس لوک لیٹلو حلف اٹھانے سے چند روز قبل فوت ہو گئے۔غیرملکی خبررساں ادارے کے مطابق41 سالہ لیٹلو ہسپتال میں انتقال کر گئے۔ کرونا وائرس سے متاثر ہونے کے سبب ان کی حالت کافی بگڑ گئی تھی۔متوفی رکن کی آخری رسومات کی ادائیگی کا اعلان بعد میں کیا جائے گا۔واضح رہے کہ لوک لیٹلو دسمبر میں ہونے والے رن آف مرحلے میں منتخب ہوئے تھے۔ انہیں کرونا وائرس سے متاثر ہونے کے سبب 19 دسمبر کو ہسپتال منتقل کیا گیا تھا۔ بعد ازاں طبیعت زیادہ بگڑنے پر لیٹلو کو انتہائی نگہداشت کے یونٹ میں رکھا گیا۔ لیٹلو پہلے رکن کانگرس ہیں جو کرونا وائرس کی لپیٹ میں آ کر دنیا سے رخصت ہو گئے۔
