اسلام آباد(این این آئی)چین نے جی ٹی روڈ نیشنل ہائی وے 5 کی مرمت کیلئے 10 کروڑ ڈالرز گرانٹ معاہدہ کرلیا ۔ جمعرات کو معاہدے پر دستخط کی تقریب وزارت اقتصادی امور میں منعقد ہوئی ،تقریب میں وفاقی وزیر خسرو بختیار اور چین کے سفیر نے شرکت کی ،منصوبے کے تحت این ایچ 5 کے 66 کلومیٹر پر مشتمل چار حصوں کو مرمت کیا جائیگا،این ایچ 5 کے ہالا اور مورو کا حصہ شامل ہے ۔ وفاقی وزیر خسروبختیار نے کہاکہ این ایچ 5 منصوبے کی تکمیل سے شمال جنوب رابطہ بڑھے گا، این ایچ 5 مرمتی منصوبے کیلئے چین کی طرف سیگرانٹ کے شکر گزار ہیں۔ خسرو بختیار نے کہ اکہ چین کی جانب سے انسداد کورونا اور ٹدی دل سے نمٹنے کیلئے تعاون پر شکریہ ادا کرتے ہیں، سی پیک پاک چین دوستی میں بنیادی اہمیت کا حامل ہے۔ چینی سفیر نے کہاکہ پاکستان کیساتھ سماجی و معاشی ترقی کیلئے تعاون جاری رہے گا۔
