کراچی (این این آئی)سابق وفاقی وزیر اور مسلم لیگ (ن)کے مرکزی نائب صدر سردار محمد یوسف نے کہاہے کہ عمران نیازی نیب کے کندھوں پر سوار ہیں اور انتقام میں اندھے ہوچکے ہیں ۔ خواجہ آصف کی نیب کے ہاتھ گرفتاری سیاسی انتقام پر مبنی ہے عمران خان دبائو برداشت نہیں کرپارہے ہیں اس لئے نیب کو استعمال کررہے ہیں بہت جلد عمران نیازی کا بوریا بستر گول ہوجائے گا ۔ان خیالات کا اظہار انہوں نے گزشتہ روز این اے249 شہباز شریف سیکریٹریٹ ضلع کیماڑی بلدیہ ٹائون میں مسلم لیگ(ن) کے یوم تاسیس کے موقع پر منعقدہ تقریب سے خطاب کرتے ہوئے کیا۔اس موقع پر کیک بھی کاٹا گیا۔ انہوں نے کہاکہ پورا ملک عمران خان سے تنگ ہے اس نے قوم کی چیخیں نکلوادیں ہیں یہ اس کو سنائی نہیں دے رہا ہے، اس نے گھروں کے چولہے گیس نہ ہونے پر ٹھنڈے کردیئے ہیں اس کو صرف (ن) لیگ سے سیاسی انتقام میں پھنسا یا ہوا ہے ملک چلانے کے لئے کوئی کارکردگی نہیں ہے ۔اس موقع پر نائب صدر سندھ خواجہ غلام شعیب، ضلع کیماڑی کے صدر حاجی صالحین تنولی نے کہا کہ مسلم لیگ (ن) حکومتی حربوں سے خوفزدہ نہیں ہوگی سلیکٹڈ حکومت کی کشتی ڈوب رہی ہے عوامی قوت سے مسلم لیگ (ن) اقتدار میں آئے گی ۔ اس موقع پر غلام مصطفی ایڈوکیٹ، نوشاد تنولی، ماسٹر منیر، رانا وارث، راجا منشائ، صادق رشیدی، کامران شاہ، دلدار کھوکھر، نثار تنولی، نوشاد تنولی، قاضی صادق، ملک نیک محمد، ارشد خان، ماما عبدالودود، افضل بلوچ، طاہر بٹ اور بڑی تعداد میں لوگوں نے تقریب میں شرکت کی۔
