اسلام آباد (این این آئی)قومی ادارہ صحت نے برطانیہ کا دورہ کرنے والے دو افراد میں نئی قسم کے کورونا وائرس بی 1.1.7 کی موجودگی کی تصدیق کردی ہے۔قومی ادارہ صحت سے جاری بیان کے مطابق ابتدائی طور پر ملک میں وائرس کی اس نئی قسم کی موجودگی کی اطلاعات موصول ہوئی تھیں اور اب اس کی باضابطہ طور پر تصدیق ہو گئی ہے۔دسمبر 2020 کے دوران برطانیہ میں وائرس کی اس نئی قسم کے ابھرنے کے بعد وزارت نیشنل ہیلتھ سروسز، ریگولیشن اور کوآرڈینیشن نے برطانیہ سے آنے والے تمام مسافروں کی جانچ پڑتال اور سارسـکوو2 ٹیسٹ کو لازمی قرار دیا تھا۔یہ بات بھی قابل ذکر ہے کہ برطانیہ میں رپورٹ ہونے والے اس وائرس کی اب تک 31 دیگر ممالک میں بھی تشخیص ہو چکی ہے، ابتدائی وبائی امراض اور کلینیکل نتائج سے پتا چلتا ہے کہ بی 1.1.7 مختلف قسم کے وائرس میں دوسروں میں منتقلی کی شرح زیادہ ہوتی ہے تاہم ابھی تک اس بات کے ثبوت نہیں ملے ہیں کہ اس سے بیماری نوعیت مزید سنگین ہو جاتی ہے۔یاد رہے کہ برطانیہ میں دریافت ہونے والے نئے وائرس کو وی یو آئی 202012/01 یا لائنیج بی 1.1.7 کا نام دیا گیا ہے، اس وائرس کے پہلے کیس کی تصدیق 14 دسمبر کو کی گئی تھی تاہم حکومت نے بتایا تھا کہ نئے وائرس کے نمونے ابتدائی طور پر 20 ستمبر کو ملے تھے۔کورونا وائرس کی اس نئی قسم میں 14 میوٹیشن موجود ہیں، جن میں سے 7 اسپائیک پروٹین میں ہیں۔ماہرین کے مطابق اور اب تک کے نتائج سے معلوم ہوتا ہے کہ یہ نئی قسم وائرس کی اصل صورت سے 56 فیصد زائد متعدی ہے اور کیسز میں تیزی سے اضافے کی وجہ بن رہی ہے۔پاکستان میں کورونا وائرس کی نئی قسم کے سامنے آنے کے بعد پنجاب حکومت نے انفیکشن کو روکنے کیلئے برطانیہ سے واپس آنے والے مسافروں کے لیے آئیسولیشن لازمی کردیا ہے۔
مقبول خبریں
سپریم کورٹ کا ملک بھر میں سڑکوں اور فٹ پاتھ پر سے تجاوزات 3دن...
کراچی(این این آئی)سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم دیتے ہوئے تحریری حکم نامہ جاری...
فرٹیلائزر کمپنی سرسبز یوریا کی قیمت میں اچانک اضافے کا ٹھوس جواز فراہم...
اسلام آبا د(این این آئی)وفاقی وزیر صنعت و پیداوار رانا تنویر حسین نے کھاد کمپنی کی جانب سے سرسبز یوریا کی قیمت میں یکطرفہ...
محسن نقوی نے اسلام آباد میں امن عامہ کو بہتر بنانے اورجرائم پیشہ گینگز...
اسلام آباد (این این آئی)وفاقی وزیرداخلہ محسن نقوی نے اسلام آباد میں امن عامہ کو بہتر بنانے اور جرائم پیشہ گینگز کی سرکوبی...
غزہ میں اسرائیلی بمباری سے مزید 15 فلسطینی شہید
مقبوضہ غزہ(این این آئی)غزہ کے نصیرات کیمپ، خان یونس اور رفح پر اسرائیلی بمباری سے 15 فلسطینی شہید ہوگئے۔عرب میڈیا کے مطابق مغربی کنارے...
ٹرمپ کو اپنے خلاف ٹرائل سے زیادہ اہلیہ کی سالگرہ کی فکر
واشنگٹن(این این آئی)امریکا کے سابق صدر ڈونلڈ ٹرمپ کے حالیہ بیان سے معلوم ہوتا ہے کہ انہیں اپنے خلاف ٹرائل سے زیادہ اہلیہ کی...