کرائسٹ چرچ (این این آئی) نیوزی لینڈ کرکٹ ٹیم کے کپتان کین ولیمسن نے پاکستان کے خلاف دوسرے ٹیسٹ میچ کے تیسرے روز شاندار بلے باز ی کا مظاہرہ کرتے ہوئے اپنے ٹیسٹ کیریئر کے 7ہزار رنز مکمل کرلئے ۔ کین ولیمسن نیوزی لینڈ کی طرف سے سب سے زیادہ رنز بنانے والے کھلاڑیوں میں تیسرے نمبر پر آگئے ہیں ۔ انہوں نے یہ سنگ میل 84میچز کی 144اننگز کھیل کر عبور کیا جس میں 24سنچریز اور 32نصف سنچریاں شامل ہیں اس سے پہلے نیوزی لینڈ کی طر ف سے راس ٹیلر اور سٹیفن فلیمنگ بھی سات ہزار سے زائد رنز بنا چکے ہیں ۔پاکستان کے خلاف دوسرے ٹیسٹ میچ کے تیسرے روز کیوی کپتان کین ولیم سن نے عمدہ بلے بازی کا مظاہرہ کرتے ہوئے پاکستان کے خلاف ایک اننگز میں زیادہ سے زیادہ238رنز کا انفرادی سکور بنایا۔کین ولیمسن نے عمدہ بلے بازی کا مظاہرہ کیا اور اپنے ٹیسٹ کیریئر کی چوتھی ڈبل سنچری مکمل کی۔
