میکسیکو سٹی (این این آئی)میکسیکو کے صدر آندریز لوپیز اوبرادور نے وکی لیکس کے بانی جولیان اسانج کو میکسیکو میں سیاسی پناہ دینے کی پیشکش کر دی ہے۔غیرملکی خبررساں ادارے کے مطابق صدر اوبرادور نے میکسیکو سٹی میں کہا کہ وہ آئندہ بھی یہ کوششیں کرتے رہیں گے کہ جولیان اسانج کو رہا کیا جانا چاہیے۔اس سے قبل ایک برطانوی عدالت نے اسانج کو ممکنہ طور پر ملک بدر کر کے امریکا کے حوالے کرنے کے خلاف فیصلہ سنایا تھا۔ امریکا کی طرف سے انچاس سالہ آسٹریلوی شہری اسانج پر جاسوسی اور سرکاری راز افشا کرنے کا الزام لگایا جاتا ہے۔ امریکا میں اسانج کو پونے دو سو سال تک قید کی سزا سنائی جا سکتی ہے۔ ناقدین کے مطابق اسانج کے خلاف عدالتی کارروائی آزادی صحافت کے لیے شدید خطرہ ہو گی۔
