اسلام آباد (این این آئی)ملک بھر میں گزشتہ چوبیس گھنٹوں کے دور ان مزید 52افراد کورونا وائرس سے چل بسے ، 2118نئے کیسز رپورٹ ہوئے ۔نیشنل کمانڈ اینڈ آپریشن سینٹر نے کورونا کے تازہ اعدادوشمار جاری کر دئیے جس کے مطابق گزشتہ 24 گھنٹوں میں کورونا کے 2 ہزار 118 نئے کیسز رپورٹ ہوئے،گزشتہ روز 52 افراد جاں بحق ہوئے،ملک بھر میں ایکٹو کیسز کی تعداد 37 ہزار 740 ہوگئی۔ این سی اوسی کے مطابق ملک بھر اب تک 4 لاکھ 92 ہزار 594 کیسز کی تعداد ہوچکی ہے،اموات کی مجموعی تعداد 10 ہزار 461 ہوچکی ہے۔این سی او سی کے مطابق اب تک 4 لاکھ 48 ہزار 393 افراد صحتیاب ہوچکے ہیں،سندھ میں تعداد 2 لاکھ 20 ہزار 501 تک پہنچ گئی۔ این سی اوسی کے مطابق پنجاب میں تعداد 1 لاکھ 42 ہزار 58 اور اسلام آباد میں 38 ہزار 531 ہوئے ۔ این سی اوسی کے مطابق کے پی کے میں 59 ہزار 995، بلوچستان میں تعداد18 ہزار 280 ہوگئی۔این سی اوسی کے مطابق آزاد جموں و کشمیر میں 8 ہزار 396 اورگلگت بلتستان میں تعداد 4 ہزار 873 ہے، گزشتہ 24 گھنٹوں کے دوران 38 ہزار 917 کورونا ٹیسٹ کیے گئے ،ملک بھر میں اب تک 69 لاکھ 23 ہزار 857 کورونا ٹیسٹ کیے جا چکے ہیں۔
