واشنگٹن(این این آئی)نیویارک میں متعدد ایئر ٹریفک کنٹرولرز نے ایک دھمکی آمیز صوتی پیغام سناہے ، اس ریکارڈ شدہ پیغام میں کہا گیا ہے کہ ایرانی پاسداران انقلاب کی القدس فورس کے مقتول کمانڈر قاسم سلیمانی کا انتقام لینے کے لیے امریکی کانگرس کی عمارت کو طیارے کے ذریعے نشانہ بنایا جائے گا۔غیرملکی خبررساں ادارے کے مطابق سلیمانی گذشتہ برس 3 جنوری کو بغداد میں ایک امریکی فضائی حملے میں مارا گیا تھا۔امریکی قومی سلامتی کے ایک ذمے دار نے بتایاکہ کانگرس کی عمارت کو نشانہ بنانے کی دھمکی ایک دھوکا ہو سکتا ہے۔اس صوتی پیغام میں جس کی ریکارڈنگ خصوصی طور پرامریکی ٹی وی کو حاصل ہوئی ہے ، کہا گیا ہے کہ سلیمانی کے انتقام کے سلسلے میں بدھ کے روز ایک طیارہ کانگرس کو نشانہ بنائے گا۔ رپورٹ میں کہا گیا ہے کہ یہ بات واضح نہیں کہ اس دھمکی کے پیچھے کون ہے۔ امریکی حکومت کے نزدیک یہ کسی حملے کے حوالے سے مصدقہ دھمکی نہیں ہے تاہم ایوی ایشن فریکوئنسیز کی خلاف ورزی شمار ہونے کے سبب اس واقعے کی تحقیقات کی جا رہی ہیں۔پینٹاگان اور دیگر ایجنسیوں کو اس ڈیجیٹل آڈیو ریکارڈنگ کے بارے میں آگاہ کر دیا گیا۔ماہرین کے مطابق یہ ہیکنگ اس لحاظ سے باعث تشویش ہے کہ یہ ان ہدایات پر اثر انداز ہو سکتی ہے جو طیاروں کی کیفیت اور ان کی اڑان کی جگہ کے حوالے سے ہوابازوں کو حاصل ہوتی ہیں۔امریکی تحقیقاتی ادارے ایف بی آئی نے اس موضوع پر تبصرہ نہیں کیا تاہم اس نے بتایا کہ وہ تشدد سے متعلق تمام تر دھمکیوں کو سنجیدگی سے لے رہا ہے۔ ادھر ہوابازی کے وفاقی ادارے کا کہنا ہے کہ وہ داخلہ سیکورٹی کے ساتھ رابطے میں ہے۔
مقبول خبریں
پاکستان اور امریکہ کے درمیان زراعت کے شعبے میں دیرینہ تعلقات ہیں،دونوں ممالک کی...
لاس اینجلس/کیلیفورنیا(این این آئی)امریکہ میں پاکستانی سفیر مسعود خان نے کہا ہے کہ پاکستان زراعت کے شعبے کو جدید خطوط پر استوار کرنے ،...
پاکستان حج اینڈ عمرہ ایگزیبیشن 2024 پہلی اور منفرد حج و عمرہ نمائش اور...
اسلام آباد (این این آئی)پاکستان حج اینڈ عمرہ ایگزیبیشن 2024 پہلی اور منفرد حج و عمرہ نمائش اور ٹریننگ کا انعقاد فیصل مسجد...
پارکس اینڈ ہارٹیکلچر اتھارٹی راولپنڈی کے زیر انتظام جشن بہاراں میلہ دس مئی سے...
راولپنڈی(این این آئی) پارکس اینڈ ہارٹیکلچر اتھارٹی راولپنڈی کے زیر انتظام علامہ اقبال پارک مری روڈ میں جشن بہاراں میلہ2024 ،10 مئی سے شروع...
ویٹرنری انسٹی ٹیوٹس کے مسائل سے آگاہ ،درپیش مسائل کو ترجیحی بنیادوں پر حل...
اسلام آباد (این این آئی) وفاقی وزیر احسن اقبال نے کہا ہے کہ وہ ویٹرنری انسٹی ٹیوٹس کے مسائل سے آگاہ ہیں،درپیش مسائل کو...
نیو گوادر انٹرنیشنل ایئرپورٹ کے جدید رہائشی کمپلیکس کی تعمیر مکمل
گوادر(این این آئی)نیو گوادر انٹرنیشنل ایئرپورٹ کی فنشنگ کا کام تیزی سے جاری ہے،چائنہ ایئر پورٹ کنسٹرکشن کمپنی(سی اے سی سی)نے ماڈرن...