اسلام آباد (این این آئی)پاکستان مسلم لیگ(ن) کی ترجمان مریم اورنگزیب نے کہاہے کہ صدر مسلم لیگ (ن) شہباز شریف نہیں پنجاب کے عوام کی ترقی گرفتار ہے،کھربوں کے عوامی منصبوں میں قوم کے اربوں روپے کی بچت کرنے والا گرفتار اور فارن فنڈنگ میں اربوں کی منی لانڈرنگ کرنے والا ملک پر مسلط ہے ۔ ہفتہ کو اپنے بیان میں انہوںنے کہاکہ قائدِ حزبِ اختلاف شہباز شریف آج گرفتار ہے ، اور نالائق ، نااہل چور اور جھوٹا ملک پہ مسلط ہے ۔ انہوںنے کہاکہ تحقیق مکمل ، ریفرنس جمع ، گواہان کا بیان قلمبند ٹرائل شروع لیکن عمران خان کے خوف نے شہباز شریف کو گرفتار کروا دیا ۔
