ریاض (این این آئی )سعودی عرب کے نائب وزیر دفاع شہزادہ خالد بن سلمان نے تاریخی شہر العلا میں خلیج تعاون کونسل کے رکن ممالک کی سربراہ کانفرنس کے کامیابی سے انعقاد پرخادم الحرمین الشریفین شاہ سلمان بن عبد العزیز اور سعودی ولی عہد شہزادہ محمد بن سلمان کو مبارکباد پیش کی ہے۔غیرملکی خبررساں ادارے کے مطابق شہزادہ خالد بن سلمان نے ٹویٹر پر ٹویٹ کیا کہ سربراہ اجلاس نے اس بات کی تصدیق کی ہے کہ جو چیز عام طور پر عربوں اور جزیرے کے لوگوں کو تاریخ ، خون اور اعتقاد کے تعلقات سے جوڑتی ہے وہ کسی بھی طرح کے اختلاف سے بالا تر ہے۔انہوں نے مزید کہا کہ جی سی سی سربراہ اجلاس اور اس موقعے پر جاری العلا اعلامیہ خطے کے ممالک کے مابین تعلقات کا ایک نیا باب ہے جس میں ہم اپنے خطے کے لیے ایک روشن مستقبل کی روشنی محسوس کرتے ہیں۔ یہ اعلامیہ خطے کے ممالک کو مل کر کام کرنیاور ہمیں تمام چیلنجوں کا متحد ہو کر مقابلہ کرنے کا پیغام دیتا ہے۔انہوں نے کہا کہ العلا میں خلیج تعاون کونسل کے 41 ویں سربراہ اجلاس کے بیان نے خطے میں بیرونی مداخلت کی روک تھام کے لیے رکن ممالک کی صفوں کے اتحاد اور خلیجی ریاستوں کے یکجہتی پر زور دیا گیا ہے۔العلا اجلاس کے اعلامیے میں ماضی کی تلخ یادوں کو فراموش کرنے پر بھی زور دیا گیا ہے۔ اجلاس خلیج کی سلامتی اور استحکام کا تحفظ کا آئینہ دار ہے۔ کسی بھی ملک کی خودمختاری اور سلامتی کے حوالے سے تعصب نہ برتنے اور تعاون کونسل کے کردار کو بڑھانے کے ساتھ سیاسی ہم آہنگی اور خلیجی ممالک کی سلامتی کو لاحق خطرات کا مل کر مقابلہ کرنے کا عزم اہم پیش رفت ہے۔سعودی وزیر خارجہ شہزادہ فیصل بن فرحان نے خلیج تعاون کونسل کے سکریٹری جنرل کے ساتھ مشترکہ پریس کانفرنس کے دوران کہا کہ یہ سربراہ اجلاس پوری دنیا کے لیے ایک پیغام ہے کہ فروعی اختلافات کے باوجود تمام خلیجی ممالک ایک کنبے کی مانند ہیں۔ اختلافات سے قطع نظر دانش مندی اور برد باری سے ہم انے مسائل حل کرنے کی پوری صلاحیت رکھتے ہیں۔
مقبول خبریں
پاک چائنا تعلقات دنیا میں بے مثال،چین نے ہمیشہ پاکستان کا غیر مشروط ساتھ...
اسلام آباد (این این آئی)وفاقی وزیر برائے منصوبہ بندی، ترقی و خصوصی اقدامات پروفیسر احسن اقبال نے کہا ہے کہ پاکستان اور چین کے...
محسن نقوی سے امریکی ادارہ برائے نارکوٹکس کے وفد کی ملاقات، باہمی دلچسپی کے...
اسلام آباد (این این آئی)وفاقی وزیر داخلہ وانسدا منشیات محسن نقوی سے امریکہ کی بیورو آف انٹرنیشنل نارکوٹکس اینڈ لا ء انفورسمنٹ افیرز( آئی...
ملکی سیاحت کی ترقی سے پاکستان کا عالمی سطح پر مثبت تشخص اجاگر ہوگا،سپیکر...
اسلام آبا د(این این آئی)اسپیکر قومی اسمبلی سردار ایاز صادق نے کہا ہے کہ سیاحت کا فروغ ملکی سماجی اور اقتصادی ترقی کے...
غیر ملکی سرمایہ کاروں کی سہولت کے لئے کلی معیشت کے استحکام کے ماحول...
اسلام آباد (این این آئی)وزیر اعظم محمد شہباز شریف نے ممتاز پاکستانی امریکن بینکرز کوملک میں انفراسٹرکچر، توانائی، ٹیکنالوجی، زراعت کے شعبوں میں...
وزیر اعلیٰ مریم نواز شریف کا مخدوش ،خستہ حال عمارتوں میں بنے سکول سیل...
لاہور( این این آئی) وزیر اعلیٰ پنجاب مریم نواز شریف نے مخدوش اور خستہ حال عمارتوں میں بنے سکول سیل کرنے کا حکم دیتے...