سرگودھا(این این آئی)وفاقی وزیر پٹرولیم عمر ایوب خان نے سرگودھا ریجن کے علاقہ دریاخان میں76 کروڑ روپے کی لاگت کے سوئی گیس فراہمی منصوبہ کا افتتاح کردیا۔ذرائع کے مطابق سرگودھا ریجن کے علاقہ دریا خان میں سوئی گیس منصوبہ کے افتتاح کیلئے وفاقی وزیر پٹرولیم عمر ایوب خان کی آمد پر ان کا شاندار استقبال کیا گیا۔ جہاں ایم این اے ثنا اللہ مستی خیل، ایم پی اے سعید اکبر نوانی۔ ایم پی اے امیر محمد خان دیگر بھی تھے اس موقع پر سوئی نادرن گیس کے افسران نے وفاقی وزیر کو بریفننگ دی۔ وفاقی وزیر پٹرولیم عمر ایوب خان نے سوئی گیس منصوبہ کا افتتاح کرتے ہوئے کہا کہ وزیراعظم عمران خان کی قیادت میں اجتماعی مسائل کے کیلئے کوشاں ہیں۔اور یہاں دریاخان کیلئے 76 کروڑ روپے کی لاگت سے سوئی گیس لارہے ہیں۔ وفاقی وزیر برائے پٹرولیم عمر ایوب نے کہا کہ پی ٹی آئی حکومت عوام کو ریلیف دینے پر یقین رکھتی ہے۔پی ڈی ایم اور اپوزیشن جماعتیں اپنی چوریاں چھپانے میں مصروف ہیں۔پی ڈی ایم کے غبارے سے ہوا نکل چکی ہے۔ وفاقی وزیر عمر ایوب نے کہا کہ گیس پریشر میں اضافہ کیلئے حکام کو احکامات جاری کیے ہیں۔کوشش کررہے ہیں ملک سے گیس بحران کو ختم کریں۔
