اسلام آباد(این این آئی)گلگت بلتستان کے صوبائی وزرا کے وفد نے وفاقی وزیر امور کشمیر و گلگت بلتستان سے ملاقات کی جس میں گلگت بلتستان میں مستقبل کے ترقیاتی عمل پر تفصیلی تبادلہ خیال کیا گیا ۔ گفتگو کرتے ہوئے وفاقی وزیر علی امین گنڈا پور نے کہاکہ وفاقی حکومت اور گلگت بلتستان کی صوبائی حکومت باہمی حکمتِ عملی سے ترقیاتی عمل کو تیز تر بنائیں گے۔ انہوںنے کہاکہ صحت، تعلیم، سیاحت، معدنیات اور ہائیڈل پاور کے شعبوں کو ترجیح دی جائے گی۔ انہوںنے کہاکہ وفاقی حکومت صحت، تعلیم اور سیاحت کے شعبوں کو اربوں روپے کے فنڈز فراہم کرنے کی منصوبہ بندی کر رہی ہے۔ انہوںنے کہاکہ گلگت بلتستان میں انقلابی تبدیلیاں رونما ہوں گی، وزیراعظم عمران خان کے وڑن کو عملی جامہ پہنانے کے لیے بھرپور کام کرنا ہو گا ۔صوبائی وزرا کی جانب سے وزیراعظم عمران خان کے وژن کو عملی جامہ پہنانے کے بھرپور عزم کا اظہار کیا گیا ۔ صوبائی وزرا نے کہاکہ گلگت بلتستان کے عوام کی جانب سے سونپی گئی ذمہداریاں کو احسن انداز سے سرانجام دیں گے۔
