کوئٹہ(این این آئی) وزیراعظم عمران خان نے ہزارہ ٹائون کے بجائے سردار بہادر خان وویمن یونیورسٹی میں مچھ میں شہید کئے جانے والے کانکنوں کے لواحقین اور ہزارہ برداری سے واقعہ پر اظہار افسوس اور ملاقات کی۔ اس حوالے سے بتایا گیا کہ ہزارہ ٹائون میں سیکورٹی خدشات کی بناء پر وزیراعظم امام بارگارہ ولی العصر نہیں جا سکے جس کے بعد ہزارہ برداری کے عمائدین کی رضامند ی سے سردار بہادر خان وویمن یونیورسٹی کے ایکسپو سینٹر کا انتخاب کیا گیا جسے گزشتہ شب سیکورٹی کلیئر نس ملنے کے بعد خصوصی کمانڈوز کے حوالے کردیا گیا تھا ۔
