اسلام آباد (این این آئی) ترجمان دفتر خارجہ نے کہاہے کہ پاکستان کا قانون کسی بیرونی عوامل یا دباو کے بغیر آزادانہ کام کرتا ہے، ممبئی کیس میں قانونی عمل بھارت کی طرف سے گواہان بھیجنے میں ہچکچاہٹ کی وجہ سے رکا ہوا ہے، امریکی سٹیٹ ڈیپارٹمنٹ اپنے تحفظات بھارت کی دہشت گردانہ کارروائیوں کیلئے منصوبہ بندی، فروغ، مالی معاونت کیلئے محفوظ رکھے۔ترجمان دفتر خارجہ نے اپنے بیان میں کہاکہ پاکستان اپنے قوانین پر مکمل عملدرآمد کر رہا ہے، پاکستان اپنی قومی ذمہ داریاں پوری کررہا ہے۔ انہوںنے کہاکہ پاکستان کا قانونی نظام موثر ہے، قانونی رمل کے ذریعہ تحقیقات، پراسیکیوشن اور بتدریج سزا پر عمل ہورہا ہے۔ انہوںنے کہاکہ پاکستان کا قانون کسی بیرونی عوامل یا دباو کے بغیر آزادانہ کام کرتا ہے۔ انہوں نے کہاکہ ممبئی کیس میں قانونی عمل بھارت کی طرف سے گواہان بھیجنے میں ہچکچاہٹ کی وجہ سے رکا ہوا ہے۔ ترجمان نے کہاکہ امریکی سٹیٹ ڈیپارٹمنٹ اپنے تحفظات بھارت کی دہشت گردانہ کارروائیوں کیلئے منصوبہ بندی، فروغ، مالی معاونت کیلئے محفوظ رکھے اس حوالے سے کافی ناقابل تردید ثبوت پہلے ہی فراھم کئے جاچکے ہیں۔
