نارووال(این این آئی) مسلم لیگ (ن) کے سیکرٹری جنرل احسن اقبال نے کہا ہے کہ اس حکومت کے پاس ملک چلانے کی کوئی صلاحیت نہیں ہے ملکی معیشت دن بدن ڈوب رہی ہے نئے نئے بحران پیدا ہو رہے ہیں۔احسن اقبال نے نارووال میں میڈیا سے گفتگو کرتے ہوئے کہا کہ عمران نیازی نے سمجھا ہے کہ پاکستان کو بھی موبائل فون کی طرح ری بوٹ کر کے دیکھا جائے شاید یہ چل جائے اسی لیے انہوں نے پورا پاور کا نظام شٹ ڈائون کر کے دوبارہ سٹارٹ کرنے کی کوشش کی ہے ۔انہوں نے عمران خان کو مخاطب کر کہ کہا کہ نیازی صاحب یہ ملک ہے موبائل نہیں جو ری بوٹ کرنے سے چل جائے ملک صلاحیت،سمجھداری،ویڑن اور ٹیم سے چلتا ہے لیکن بدقسمتی ہے کہ آپ نے ضد،انا،نفرت اور انتقامی کاروائیوں کے علاوہ کچھ نہیں سیکھااورآج ملک میں بجلی کا بحران ناقابل حل ہو تا جا رہا ہے ۔احسن اقبال کا مزید کہنا تھا کہ پاکستان گیس کی کمی کا سامنا کر رہا ہے ملکی زراعت تباہ ہو چکی ہے،صنعت تباہ ہو چکی،ہماری ترقی کی شرع تباہ ہو چکی ہے اس لیے خدا راہ اس ملک سے مزید نہ کھیلیں استعفی دیں اور گھر جائیں۔
