اسلام آباد (این این آئی)ملک بھر میں 24گھنٹوں کے دوران کرونا کے مزید 1877کیسز رپورٹ ہوئے جبکہ مزید32افراد جاں بحق ہوگئے۔نیشنل کمانڈ اینڈ آپریشن سینٹر کے جاری کر دہ اعدادوشمار کے مطابق 24گھنٹوں کے دوران ملک بھر میں کورونا وائرس سے 32 افراد جاں بحق ہوگئے ۔این سی او سی کے مطابق ملک بھر میں 24 گھنٹوں کے دوران 1877 مثبت کیس رپورٹ ہوئے، اب تک 10 ہزار 676 اموات ہوئیں۔این سی او سی کے مطابق گزشتہ 24 گھنٹوں کے دوران 34 ہزار 524 کورونا ٹیسٹ کیے گئے ، ملک بھر میں اب تک 71 لاکھ 22 ہزار 538 کورونا ٹیسٹ کیے جا چکے ہیں، ملک بھر میں کورونا وائرس کے مریضوں کی تعداد 5 لاکھ 4 ہزار 293 ہوگئی۔این سی او سی کے مطابق صحتیاب ہونے والوں کی تعداد 4 لاکھ 58 ہزار 371 ہے ،فعال کیسوں کی تعداد 35 ہزار 246 ہے،سندھ میں 2 لاکھ 26 ہزار 338، پنجاب 1 لاکھ 45 ہزار 508 کیسز رپورٹ ہوئے ہیں ،خیبرپختونخوا 61 ہزار 424، بلوچستان میں 18 ہزار 412 کیس رپورٹ ہوئے ہیں ۔اسلام آبادمیں 39ہزار 242، گلگت بلتستان میں 4 ہزار 880 کیسز رپورٹ ہوئے ہیں اورآزاد کشمیر میں کورونا مریضوں کی تعداد 8 ہزار 489 ہوگئی ہے۔
