کراچی(این این آئی)سندھ ہائیکورٹ نے سندھ بھر،بالخصوص کراچی میں گیس کی بندش اور قلت کے خلاف درخواست میں چیئرمین اوگرا، ایس ایس جی سی اور دیگر فریقین کو نوٹس جاری کرتے ہوئے ایم ڈی سوئی گیس کو آئندہ سماعت پر جواب یقینی بنانے کا حکم دیدیاہے۔سندھ ہائیکورٹ میں کراچی سمیت سندھ بھرمیں گیس کی بندش اور قلت کے خلاف درخواست کی سماعت ہوئی۔ درخواست گزار محمود اختر نقوی کا موقف تھا کہ گیس کی لوڈ شیڈنگ سے لوگوں کی زندگی اجیرن ہوچکی ہے، گھروں میں گیس نہیں جس کی وجہ سے روٹی بھی تندور سے لا رہے ہیں، 9 دسمبر 2020 کو عدالت نے جواب طلب کیا مگر جواب بھی نہیں دیا جا رہا، ایم ڈی سوئی سدرن گیس کو ذاتی حیثیت میں طلب کیا جائے۔ جس پر فاضل جج نے ریمارکس دیئے کہ ڈائریکٹر ایس ایس جی سی کو بلا رہے ہیں اور پوچھتے ہیں قلت کیوں ہے۔عدالت نے حکم دیا کہ سوئی سدرن گیس کمپنی حکام آئندہ سماعت پر ذاتی حیثیت میں پیش ہوں، بتایا جائے کراچی میں گیس کی کمی کیوں ہے اور گیس کی قلت ختم کرنے کے لیے کیا اقدامات کیے جا رہے ہیں۔عدالت نے چیئرمین اوگرا،ایس ایس جی سی اور دیگر فریقین کو نوٹس جاری کردئیے۔ایم ڈی سوئی گیس کو آئندہ سماعت پر جواب یقینی بنانے کا حکم دے دیا گیا۔سماعت کے دوران جسٹس محمد علی مظہر نے ریمارکس دئیے کہ سپریم کورٹ گیس کی ترسیل کے حوالے سے تفصیلی فیصلہ دے چکی ہے،اعلی عدلیہ کے احکامات کی روشنی میں جائزہ لیں گے۔درخواست گزارنے عدالت کو بتایا کہ سندھ میں سوئی گیس کی مجموعی پیداوارکا 68 فیصد نکالا جاتا ہے،پنجاب مجموعی پیداوار کا 4فیصد، بلوچستان 19فیصد،خیبرپختونخوا صرف 9 فیصد گیس پیدا کرتا ہے۔عدالت کو بتایا گیا کہ آئین کے آرٹیکل 158 کے تحت جس صوبے سے زیادہ گیس نکالی جائے گی،اس کودیگرصوبوں پر زیادہ ترجیح دی جائے گی،ملک میں سب سے زیادہ گیس پیدا کرنے باوجود صوبہ بھر میں گیس کی شدید قلت ہے۔سندھ میں گھروں میں گیس کی قلت ہے اور انڈسٹریزبھی بند ہورہی ہیں۔
مقبول خبریں
ہمیں ملیریا کی روک تھام بارے میں آگہی اور باہمی تعاون سے کام کرنے...
اسلام آباد(این این آئی)وزیراعظم شہباز شریف نے کہا ہے کہ ہمیں صحت کی دیکھ بھال کے نظام کو مضبوط بنانے، معیاری تشخیص اور علاج...
موسم بہار کی شجر کاری مہم،سپیکر قومی اسمبلی نے پارلیمنٹ ہائوس کے سبزہ زار...
اسلام آباد(این این آئی)سپیکر قومی اسمبلی سردار ایاز صادق نے موسم بہار کی شجر کاری مہم کی مناسبت سے پارلیمنٹ ہائوس کے سبزہ...
نواز شریف کی چین میں صحابی رسول ۖ حضرت سعد بن ابی وقاص رضی...
بیجنگ(این این آئی)چین کے پانچ روزہ دورے پر موجود سابق وزیراعظم اور پاکستان مسلم لیگ (ن)کے قائد نواز شریف نے صحابی رسول ۖ حضرت...
صوبائی حکومتوں کیساتھ مل کر اسمگلنگ کا خاتمہ ضروری، اسمگلنگ کی روک تھام میں...
ایبٹ آباد(این این آئی)وزیراعظم شہباز شریف نے کہاہے کہ صوبائی حکومتوں کے ساتھ مل کر اسمگلنگ کا خاتمہ ضروری ہے،اسمگلنگ کیخلاف کسی بھی کارروائی...
وزیر اعظم کی ایبٹ آباد آمد،شہید کسٹمز انسپکٹر سید حسنین علی ترمذی کے والد...
ایبٹ آباد(این این آئی)وزیر اعظم شہباز شریف ایبٹ آباد میں شہید کسٹمز انسپکٹر سید حسنین علی ترمذی کی رہائش پر گئے اور شہید کے...