لاہور( این این آئی)پاکستان مسلم لیگ(ن) کے رہنمائوں نے کہاہے کہ حکومت کی جانب سے اپوزیشن کو انتقام کا نشانہ بنایا جا رہاہے اور اس کا مقصد پی ڈی ایم کی تحریک کو ناکام بنانا ہے ،آہستہ آہستہ تمام اپوزیشن کی باری آرہی ہے۔ مسلم لیگ(ن) کے مرکزی رہنما سردار ایاز صادق نے خواجہ آصف سے اظہار یکجہتی کیلئے احتساب عدالت آمد کے موقع پر گفتگو کرتے ہوئے کہا کہ نیب کو حکومت میں کرپشن نظر نہیں آر ہی ،انتقامی کارروائیوں سے حکمرانوں کی سوچ واضح ہے لیکن یہ وقت جلد گزر جائے گا۔مسلم لیگ(ن) کے مرکزی رہنما رانا تنویر حسین نے کہا کہ حکمرانوں کی انتقامی کاروائیوں کے حوالے سے قوم کو معلوم ہو چکا ہے ،نیب کاپولیٹیکل انجینئرنگ کے طور پر استعمال کیا جارہا ہے ۔ انہوں نے کہا کہ کابینہ نیب زدہ ہے لیکن ان سے پوچھ گچھ نہیں کی جاتی ۔
