اسلام آباد (این این آئی)وزارتِ خارجہ میں پاکستان اور ترکی کے مابین تعلیمی شعبہ میں دو طرفہ تعاون کے فروغ کے حوالے سے مفاہمتی یادداشت پر دستخط کر دیئے گئے ۔ بدھ کو وزیر خارجہ مخدوم شاہ محمود قریشی مفاہمتی یادداشت پر دستخط کی تقریب میں موجود تھے ۔پاکستان کی طرف سے وفاقی وزیر تعلیم شفقت محمود اور ترکی کی جانب سے ترک وزیر خارجہ میولوت چاوش اوغلو نے مفاہمتی دستاویزات پر دستخط کئے ۔سیکرٹری خارجہ سہیل محمود ،وفاقی سیکرٹری تعلیم محترمہ فرح حامد اور وزارتِ خارجہ کے سینئر افسران بھی اس موقع پر موجود تھے۔
