کراچی(این این آئی)سندھ ہائی کورٹ نے ڈینیئل پرل قتل کیس میں بریت کے باوجود ملزمان کی رہائی نہ ہونے کے خلاف توہینِ عدالت کی درخواست کی سماعت کے دوران چیف سیکرٹری سندھ اورسیکرٹری داخلہ کی عدم پیشی پر برہمی کااظہارِکیا ہے۔سماعت کے دوران سپرنٹنڈنٹ سینٹرل جیل حسن سہتو اوراسپیشل سیکرٹری داخلہ عدالت میں پیش ہوئے۔چیف سیکرٹری سندھ اور سیکرٹری داخلہ کی عدم پیشی پر عدالت نے برہمی کا اظہار کیا۔فوکل پرسن نے عدالت کو بتایا کہ سیکرٹری داخلہ راستے میں ہیں۔جسٹس نعمت اللہ پھلپھوٹو نے اظہارِ برہمی کرتے ہوئے کہا کہ کیا سیکرٹری داخلہ سندھ دیر سے اٹھتے ہیں؟ ہم ابھی چیف سیکرٹری سندھ اورسیکرٹری داخلہ کے وارنٹ جاری کر دیتے ہیں، ان کو معلوم نہیں کہ ان کے خلاف توہینِ عدالت کا کیس چل رہا ہے؟۔عدالتِ عالیہ نے چیف سیکرٹری سندھ اور سیکرٹری داخلہ کو آئندہ سماعت پر پیش ہونے کا حکم دیتے ہوئے 20 جنوری کو فریقین سے جواب طلب کر لیا۔دوران سماعت پراسیکیوٹر اقبال اعوان نے عدالت کو بتایا کہ ڈینیئل پرل کیس کی اپیل سپریم کورٹ میں زیرِ سماعت ہے، ایڈووکیٹ جنرل سندھ اور پراسیکیوٹر جنرل سندھ سپریم کورٹ اسلام آباد میں مصروف ہیں، جواب جمع کرانے کے لیے مہلت دی جائے۔واضح رہے کہ سندھ ہائی کورٹ نے ڈینیئل پرل کیس کے ملزمان کی نظر بندی کالعدم قرار دی تھی۔درخواست گزار نے عدالت میں موقف اختیار کیا تھا کہ عدالتی حکم کے باوجود عمر شیخ سمیت 4 ملزمان کو رہا نہیں کیا جا رہا، چیف سیکرٹری، سیکرٹری داخلہ اور دیگر کے خلاف توہینِ عدالت کی کارروائی کی جائے۔
مقبول خبریں
گوادر بندرگاہ جلد از جلد فعال کرنے کیلئے جامع منصوبہ تیار کرنے کا فیصلہ
اسلام آباد(این این آئی) وفاقی حکومت نے گوادر بندرگاہ کو جلد از جلد فعال کرنے کیلئے جامع منصوبہ تیار کرنے کا فیصلہ کیاہے۔وزارت خارجہ...
بلوچستان میں دہشت گردی آپریشن سندور کا تسلسل ہے‘ طلال چودھری
اسلام آباد(این این آئی) وزیر مملکت داخلہ طلال چودھری نے کہا ہے کہ بلوچستان میں دہشت گردی آپریشن سندور کا تسلسل ہے۔وزیر مملکت...
ایف آئی اے کا منی لانڈرنگ کی تحقیقات کے حوالے سے اہم اقدام
اسلام آباد(این این آئی)وفاقی تحقیقاتی ادارہ (ایف آئی اے)کے ڈائریکٹر جنرل رفعت مختار نے منی لانڈرنگ کی تحقیقات کے حوالے سے تاریخی اقدام کرتے...
ڈی جی آئی ایس پی آر کا مظفرآباد کا دورہ، کشمیری عوام کا پاک...
مظفرآباد(این این آئی)ڈائریکٹر جنرل انٹرسروسز پبلک ریلیشنز (آئی ایس پی آر) لیفٹیننٹ جنرل احمد شریف چوہدری نے آزاد کشمیر کے دارالحکومت مظفرآباد کا اہم...
وزیر داخلہ کا دورہ بحرین،انسداد دہشتگردی و انسانی اسمگلنگ پر مشترکہ لائحہ عمل پر...
منامہ (این این آئی)وفاقی وزیر داخلہ کے دورہ بحرین کے دوران دونوں ملکوں میں انسداد دہشت گردی و انسانی اسمگلنگ پر مشترکہ لائحہ عمل...