میرے والد نے 41 سال تک عمرکوٹ کے عوام کی خدمت کی، امیرعلی شاہ

0
945

عمرکوٹ(این این آئی)پاکستان پیپلز پارٹی کے نومنتخب رکن سندھ اسمبلی سیدامیر علی شاہ نے کہاہے کہ ان کے والد نے 41 سال تک عمرکوٹ کے عوام کی خدمت کی،جیت اسی خدمت کا نتیجہ ہے، وہ ہندو برادری کے بھی شکر گزار ہیں جس نے ان پر اعتماد کیا۔میڈیا سے مختصر بات چیت میں انہوں نے کہا کہ وہ ہمیشہ عوام کے ساتھ رہیں گے۔واضح رہے کہ عمرکوٹ میں ہونے والے پی ایس 52 ضمنی الیکشن کے مکمل غیر سرکاری و غیر حتمی نتائج کے مطابق پیپلز پارٹی کے امیر علی شاہ 55904 ووٹ لے کر جیت گئے جبکہ جی ڈی اے کے ارباب غلام رحیم 30921 ووٹ لے کر دوسرے نمبر پر رہے۔پی ایس 52 کی نشست سابق صوبائی وزیر اور امیر علی شاہ کے والد علی مردان شاہ کے انتقال کے باعث خالی ہوئی تھی۔