عوام کی جیبوں پر ڈاکے ڈالنے والوں تمہیں ہر ہفتے بجلی مہنگی کرتے شرم نہیں آتی’ عظمیٰ بخاری

0
1920

لاہور( این این آئی )پاکستان مسلم لیگ(ن) پنجاب کی سیکرٹری اطلاعات عظمی بخاری نے کہا ہے کہ عوام حکومتی ترجمانوں کی الف لیلیٰ کی کہانیاں سن سن کے تنگ آچکے ہیں،عوام کی جیبوں پر ڈاکے ڈالنے والوں تمہیں ہر ہفتے بجلی مہنگی کرتے شرم نہیں آتی ۔ اپنے بیان میں انہوں نے کہا کہ پاکستان ٹھگ انسٹیٹیوٹ اپنے سرغنہ عمران احمد خان نیازی کی ریشہ دوانیوں پر پردہ ڈالنے آجاتا ہے ،تم لوگ کس منہ سے بجلی،گیس،پیٹرول،چینی گھی کی قیمتوں اور مہنگائی کا دفاع کرتے ہو؟۔عوام سے ووٹ لے کر آنے والے عوام کے خیر خواہ اور ہمدرد ہوتے ہیں،چور دروازے سے مسلط ہونے والے صرف اپنی تجوریاں بھرنے میں مصروف رہتے ہیں۔ انہوںنے کہا کہ نئے پاکستان میں کسی محب وطن اور عوامی درد رکھنے والے لیڈر کی ضرورت نہیں،نئے پاکستان میں صرف ٹھگوں کے ٹولے کا راج ہے جو دن رات عوام کو لوٹنے کے منصوبے بناتاہے ،پاکستان ایک راہزن کے حوالے اور پنجاب ایک انڈر ٹرینی شخص کے حوالے ہیں۔