اسلام آباد (این این آئی)تحریک انصاف نے سینیٹ کی زیادہ تر نشستوں پر اپنے امیدواروں کے نام فائنل کر لئے ہیں۔ایک ٹوئٹ میں وفاقی وزیر سائنس وٹیکنالوجی فواد چودھری نے کہاہے کہ تحریک انصاف نے سینیٹ کی زیادہ تر نشستوں پر اپنے امیدواروں کے نام فائنل کر لئے ہیں۔ اسلام آباد سے عبدالحفیظ شیخ اور فوزیہ ارشد تحریک انصاف کے امیدوارہونگے، سندھ سے فیصل واوڈا سینیٹ کا الیکشن لڑیں گے، ٹیکنو کریٹ نشست پر سیف اللہ ابڑو تحریک انصاف کے امیدوار ہوں گے، بلوچستان سے عبدالقادر کا نام فائنل کیا گیا ہے، پنجاب سے سیف اللہ نیازی ،ڈاکٹر زرقا اور بیرسٹر علی ظفر امیدوار ہوں گے۔ فواد چودھری کے مطابق باقی نشستوں کا اعلان بعد میں ہو گا۔خیبر پختونخواہ سے شبلی فراز، محسن عزیز، دوست محمد، ثانیہ نشتر اور فرزانہ کا نام حتمی فہرست میں شامل کیا گیا ہے۔
