اسلام آباد(این این آئی) وزیر اعلیٰ سندھ سید مراد علی شاہ نے کہا ہے کہ وفاقی حکومت کے جانے کا وقت ہوا چاہتا ہے،فون کالز کی جارہی ہیں کہ ہمیں بچاؤ ،نیب نے صرف سیاستدانوں اور اچھے لوگوں کی ساکھ کو نقصان پہنچایا ،کمزور دل کے لوگ سیاست میں نہیں آسکتے، مستقبل میں جوڈیشری، بیوروکریسی اور سول سروس میں بھی لوگ نہیں آئیں گے۔ میڈیا سے گفتگو کرتے ہوئے وزیر اعلیٰ سندھ مراد علی شاہ نے کہاکہ مردم شماری پر سندھ کو تحفظات ہیں،کراچی سمیت سندھ بھر کی مردم شماری صحیح نہیں، ہم نے مردم شماری کو چیلنج کیا ہوا ہے،ہم نے مشترکہ اجلاس بلانے کیلئے صدر پاکستان کو خط لکھا ،ہمارے خط کا کوئی جواب نہیں دیا گیا۔ انہوںنے کہاکہ انتخابات میں دھاندلی کے لیے مشترکہ اجلاس بلالیا گیا،وفاقی حکومت کے مطابق بجلی وافر مقدار میں موجود ہے،انکے پاس بجلی سٹور کرنے کے انتظامات نہیں۔مراد علی شاہ نے کہاکہ فون کالز کی جارہی ہیں کہ ہمیں بچاؤ ۔ انہوںنے کہاکہ عمران خان کی دور حکومت میں یہ بچگانہ حرکتیں کی جارہی ہیں،یہ حرکتیں پہلے دیکھیں نہ سنی۔ انہوںنے کہاکہ پیپلز پارٹی اپنے ووٹرز اور عوام کے اشارے پر چلتی ہیں۔ مراد علی شاہ نے کہاکہ جب حکومت کو پریشانی ہوتی ہے تو یہ اِدھر اْدھر سے لوگوں کو بلا لیتے ہیں،حکومت کو دیکھ کر یہی سمجھ آتا ہے کہ ہم تو ڈوبے ہیں ،صنم تم کو بھی لے ڈوبیں گے۔ انہوںنے کہاکہ اسلام آباد کی ہوائیں کراچی تک محسوس ہو رہی ہیں۔ انہوںنے کہاکہ اس ملک میں سیاستدانوں کی تذلیل سے بات شروع ہوئی،نیب نے صرف سیاستدانوں اور اچھے لوگوں کی ساکھ کو نقصان پہنچایا ،کمزور دل کے لوگ سیاست میں نہیں آسکتے۔ انہوںنے کہاکہ مستقبل میں جوڈیشری، بیوروکریسی اور سول سروس میں بھی لوگ نہیں آئیں گے۔مراد علی شاہ نے کہاکہ سنا ہے کہ اسلام آباد کے صحافیوں کی کٹ کا نمبر آنے والا ہے،دعا ہے کہ اللہ تعالیٰ صحافیوں کو کٹ سے بچا ئے۔انہوںنے کہاکہ عمران خان کی حکومت آئین کی صرف پامالی ہی کر سکتی ہے ،سندھ کیساتھ نا انصافی کی جا رہی ہے ،آگ بگولہ ہونا مسلئے کا حل نہیں ہے ۔
مقبول خبریں
آزاد کشمیر پر بھارتی رہنماؤں کے اشتعال انگیز دعوؤں میں تشویشناک اضافہ ، پاکستان...
اسلام آباد (این این آئی) ترجمان دفتر خارجہ نے کہا ہے کہ آزاد کشمیر پر بھارتی رہنماؤں کے اشتعال انگیز دعوؤں میں تشویشناک اضافہ...
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے...
اسلام آباد (این این آئی)وزیر داخلہ محسن نقوی نے اسلام آباد پولیس خدمت مرکز 24 گھنٹے کھلا رکھنے کا اعلان کردیا۔میڈیا سے گفتگو...
الیکشن کمیشن نے آزاد اراکین قومی اسمبلی کی سنی اتحاد کونسل میں شمولیت تسلیم...
اسلام آباد(این این آئی)الیکشن کمیشن نے پاکستان تحریک انصاف کے آزاد اراکین قومی اسمبلی کی سنی اتحاد کونسل میں شمولیت کو تسلیم کرلیا۔گزشتہ روز...
پنجاب میں رہنماں کے گھر چھاپے مارے جارہے ہیں، پولیس گردی ختم ہونی چاہیے،...
اسلام آباد (این این آئی)قائد حزب اختلاف عمر ایوب نے کہا ہے کہ رات سے ہمارے رہنماں کے گھر چھاپے مارے جارہے ہیں، ہم...
وزیر اعظم 28 اپریل ورلڈ اکنامک فورم میں شرکت کیلئے سعودی عرب روانہ ہوں...
اسلام آباد (این این آئی)وزیر اعظم شہباز شریف ورلڈ اکنامک فورم کے اجلاس میں شرکت کیلئے 28 اپریل کو سعودی عرب روانہ ہوں گے۔ترجمان...