اسلام آباد (این این آئی) وفاقی وزیر مواصلا ت مراد سعید نے کہاہے کہ کراچی ، کوئٹہ ، چمن شاہراہ کو قاتل شاہراہ کہا جاتا ہے ، تین دہائیوں پر سڑک پر کوئی توجہ نہیں دی جاتی ،شاہراہ کا ٹینڈر ہوچکا کنٹریکٹ ایوارڈ ہوچکا، وزیر اعظم عمران خان آئندہ ماہ باضابطہ افتتاح کرینگے۔کراچی کوئٹہ، چمن ہائی میں ٹریفک حادثات میں اضافے سے متعلق توجہ دلاو نوٹس سینیٹ میں سینیٹر دنیش کمار نے کیا اور کہاکہ بلوچستان کی یہ شاہراہ دہشتگرد شاہراہ ہے۔ انہوںنے کہاکہ میں بھی اسی شاہراہ کا متاثرہ ہوں 54 ٹانکے میرے سر پر لگے، اس خونی شاہراہ پرکئی لوگ لقمہ اجل بنے، کئی گھر اجڑے۔ انہوںنے کہاکہ سب حکومتوں نے اس شاہراہ کی تعمیر کے وعدے کیے مگر کوئی کام نہیں ہوا،بجٹ میں رقوم صرف فزیبلٹی کیلئے رکھی جاتی ہے۔ سینیٹر دینش کمار نے کہاکہ اس شاہراہ کو ڈبل کیا جائے۔ وزیر مواصلات مراد سعید نے توجہ دلائو نوٹس پر جواب دیتے ہوئے کہاکہ کراچی کوئٹہ چمن کی اس شاہراہ کو قاتل سڑک کہا جاتاہے، تین دہائیوں سے اس سڑک پر کوئی توجہ نہیں دی گئی۔ وفاقی وزیر نے کہاکہ 796 کلو میٹر کی شاہراہ ہے اگلے مہینے اس کا افتتاح ہے،330 کلو میٹر کے سیکشن پر کام شروع کرنے جا رہے۔ وفاقی وزیر نے کہاکہ شاہراہ کا ٹینڈر ہوچکا کنٹریکٹ ایوارڈ ہوچکا، وزیر اعظم عمران خان آئندہ ماہ اس کا باضابطہ افتتاح کرینگے۔ مراد سعید نے کہاکہ گزشتہ حکومت 2ہزار کلو میٹر شاہراہوں کی منصوبہ بندی کی تھی،موجودہ حکومت نے بلوچستان میں 3ہزار کلومیٹر جبکہ پورے ملک میں8ہزار کی منصوبہ بندی کی ہے۔
مقبول خبریں
وزیراعلی کے انتخاب کیخلاف تحریک انصاف کی درخواستیں منظور ،منحرف ارکان کے25ووٹ نکال کر...
لاہور( این این آئی )لاہور ہائیکورٹ نے وزیراعلی پنجاب کے انتخاب کے خلاف تحریک انصاف کی درخواستیں منظور کر کے منحرف ارکان کے 25...
مودی حکومت نے مقبوضہ کشمیرمیں بھی مسلمانوں کے گھر تباہ کرنا شروع کردیئے
سرینگر(این این آئی)بھارت میں مسلمانوں کے گھروںکو بلڈوزکے ذریعے گرانے کی جاری مہم کے دوران مودی کی فسطائی بھارتی حکومت نے اپنے غیر قانونی...
اسحاق ڈار توکیا بل گیٹس کو بھی بلالیں ملک ان سے نہیں چل سکتا،...
راولپنڈی(این این آئی)عوامی مسلم لیگ کے سربراہ شیخ رشید احمد نے کہا ہے کہ اسحاق ڈار تو کیا بل گیٹس کو بھی بلالیں ملک...
چین پاکستان کی حمایت جاری رکھے گا، چینی وزارت خارجہ
بیجنگ(این این آئی)چین کی وزارت خارجہ کے ترجمان ژاؤ لیجیان نے کہا ہے کہ چین پاکستان کی حمایت جاری رکھے گا۔چین کی وزارت خارجہ...
ملک بھر میں بجلی کا شارٹ فال 7 ہزار 674 میگا واٹ تک پہنچ...
اسلام آباد (این این آئی)ملک بھر میں بجلی کا شارٹ فال 7 ہزار 674 میگا واٹ تک پہنچ گیاجس کے باعث ملک میں...