اپنی خواہشات کی تکمیل کیلئے آئین کو استعمال مت کریں،کا آئین سلامت ہے توملک سلامت ہے’احمد اویس

0
259

لاہور (این این آئی) ایڈووکیٹ جنرل پنجاب احمد اویس نے کہاہے کہ اپنی خواہشات کی تکمیل کیلئے آئین کو استعمال مت کریں، آئین سلامت ہے توملک سلامت ہے،تمام ادارے آئین کے تابع ہیں،جوڈیشری آئین کو بچانے کیلئے اپنا کردار ادا کرے،وزیر اعظم شہباز شریف ایک فاشسٹ حکمران ہیںجوپاکستان کے آئین کو نہیںسمجھ سکا وہ حکمرانی کے لائق نہیں۔ ان خیالات کااظہارانہوںنے پریس کانفرنس سے خطاب کرتے ہوئے کیا ۔ ایڈووکیٹ جنرل پنجاب احمد اویس نے کہاکہ پریس کانفرنس اس لیے نہیںکررہا کہ شاید مجھے کوئی خطرہ ہے کہ ڈی نوٹیفائی کردیا جائے گا،میں نے پہلے ہی فیصلہ کرلیا تھا کہ جب قیادت کہے گی عہدہ چھوڑ دونگا،یہ آئینی عہدہ ہے اسے غیر آئینی طور پر ہٹایا نہیں جاسکتا۔ پریس کانفرنس کرتے ہوئے ایڈووکیٹ جنرل پنجاب احمد اویس نے کہاکہ آج پاکستان میںبہت بڑا غیر آئینی کام ہوا ہے۔وزیر اعظم شہباز شریف ایک فاشسٹ حکمران ہیںجوپاکستان کے آئین کو نہیںسمجھ سکا وہ حکمرانی کے لائق نہیں،اس ملک کے آئین کو توڑو گے تو پاکستان بکھر جائے گا،ہر پاکستانی کا فرض ہے کہ وہ آئین پر عمل درآمد کرے۔انہوںنے کہاکہ آج پاکستان کو ضرورت ہے کہ سب آئین پاکستان کی بقا کیلئے کھڑا ہو،کسی کی حکمرانی کی ناجائز خواہش کو پورا کرنے کے لیے آئین کو پامال نہیں کیا جاسکتا۔پاکستان کا آئین سلامت ہے توملک سلامت ہے،تمام ادارے سب آئین کے تابع ہیں،عدالتیں آئین کی محافظ ہیں،آج پاکستان کے آئین پر حملہ ہے،صدر پاکستان کی رٹ کو چیلنج کیا گیا،اپنی خواہشات کی تکمیل کیلئے آئین کو استعمال مت کریں