وزیر خارجہ شاہ محمود قریشی کی نائیجر کے وزیر خارجہ سے ملاقات

0
36

اسلام آباد(این این آئی)وزیر خارجہ مخدوم شاہ محمود قریشی نے نائیجر کے وزیر خارجہ کلا آنکوراو سے او آئی سی وزراخارجہ کونسل کے سینتالیسویں اجلاس کے موقع پرنیامے، نائیجر میں ملاقات کی۔ وزیر خارجہ نے دونوں ممالک کے درمیان بردرانہ قریبی تعلقات پر اطمنان کا اظہار کیا جو ایک عقیدے اور مختلف امور پر یکساں خیالات سے عبارت ہیں۔ دونوں ممالک کے درمیان بڑھتے ہوئے معاشی وتجارتی تعلقات کی ضرورت کو اجاگر کرتے ہوئے وزیر خارجہ نے استعداد کار میں اضافے کے مختلف پروگرامز کے ذریعے نائیجر کی معاونت جاری رکھنے کی پیشکش کی۔ جموں وکشمیر کے تنازعے پر دیرینہ اصولی موقف اختیار کرنے پر نائیجر کا شکریہ ادا کرتے ہوئے وزیر خارجہ نے اپنے نائیجر کے ہم منصب کو غیرقانونی طورپر بھارت کے زیرقبضہ جموں وکشمیر میں انسانی حقوق کی پامالیوں اور انسانوں کو درپیش بدترین حالات سے آگاہ کیا۔