وزیرِ اعظم کا تمام وفاقی وزارتوں کے سیکرٹریز کو ہر ماہ صوبہ بلوچستان دورہ کرنے کا حکم

0
475

اسلام آباد (این این آئی)بلوچستان کے عوام کی محرومیوں کا موثر ازالہ کرنے اور صوبے کے مسائل کے حل کے حوالے سے وزیرِ اعظم عمران خان نے تمام وفاقی وزارتوں کے سیکرٹری صاحبان کو ہر ماہ صوبہ بلوچستان دورہ کرنے کا حکم دیدیا ۔ جمعرات کو وزیر اعظم آفس سے جاری اعلامیہ کے مطابق تمام وفاقی سیکرٹری صاحبان ہر ماہ کم از کم ایک دفعہ صوبہ بلوچستان خود جائیں اور اپنی وزارت/ ڈویڑن / محکمے سے متعلقہ امور ترجیحی بنیادوں پر حل کریں۔ وزیراعظم آفس کے مطابق تمام وفاقی سیکرٹری صاحبان چیف سیکرٹری بلوچستان سے ملکر وزٹ پروگرام تشکیل دیں گے اور وزیرِ اعظم آفس کو اس حوالے سے مطلع رکھیں گے ،تمام سیکرٹری صاحبان دورے کے بعد تفصیلی رپورٹ باقاعدگی سے وزیرِ اعظم آفس بھجوائیں گے۔