صنعاء (این این آئی)یمن میں آئینی حکومت کے دفاع کے لیے سرگرم عرب اتحاد نے یمن کے حوثی باغیوں کی طرف سے سعودی عرب کے شہر خمیس مشیط پر حملے کے لیے بھیجا ایک ڈرون طیارہ مار گرایا۔میڈیارپورٹس کے مطابق عرب اتحاد کی طرف سے جاری کردہ ایک بیان میں کہا گیا کہ اتحاد نے حوثی ملیشیا کے حملوںکی روک تھام کے لیے تمام ضروری اقدامات کیے ہیں۔بیان میں کہا گیا کہ حوثی ملیشیا کی طرف سے جنگی خلاف ورزیاں اور وحشیانہ حملے جنگی جرائم کے زمرے میں آتے ہیں۔ عرب اتحاد نے کہاکہ وہ حوثی ملیشیا کے خلاف کارروائی میں بین اقوامی انسانی قوانین کے مطابق اقدامات کر رہا ہے۔
